› 選擇地區
三藩市
紐約
洛杉磯
其他美國地區
香港 台灣 北美
 
2019年12月03日

【撥亂反正●灣仔】單拖「俾人蝦」成歷史 楊雪盈誓砍摩頓台小白象工程

建立時間 (HKT): 1203 00:02

「反送中運動最大啟發係:『計劃趕不上變化』,有嘢要做咗先。」28歲的麥景星中大社會學系出身,有意從政但從沒想過是當下,6月催淚彈爆發時爆出了「我呢個人喺呢個運動仲有咩角色可以去做?」的問號,繼而向灣仔大坑區議員楊雪盈獻身出征。「1年前諗過,如果再做多4年、冇人幫,係好難做落去……」原是灣仔唯一民主派的楊雪盈曾因孤身作戰考慮去留,年前萌生「區區有得揀」拉隊搶攻過半議席的構想,最終牽頭組成的「灣仔起步」取下6席,連同其餘3位民主派重奪紅區主導權。單拖「俾人蝦」成歷史,楊雪盈滿腹撥亂反正大計,包括將建制派強行通過摩頓台拆卸排球場建「納米」社區會堂的1億元小白象項目,推倒重來。

相關新聞:【撥亂反正●觀塘】半億大白象噴泉 區會新丁爭擱置盼懸崖勒馬

記者 許偉賢

「多謝支持灣仔起步!」區選後首個Happy Friday,楊雪盈與團隊在灣仔港鐵站外謝票,一人一支直幡,集結灣仔未來構想。選前已辭任數據分析師的麥景星高呼:「無大家支持,我絕對唔會贏到!」於「鵝頸」以約58%得票率擊敗民建聯原區議員鍾嘉敏的麥景星接受《蘋果》訪問時坦言,勝選歸功於全體港人的付出,因此也是全體港人的勝利,指港人6月起用血汗推動運動,亦開啟不同戰線,自己開始反思遊行示威外的下一步:「既然一路有從政諗法,嚟緊又有區議會戰線要打,自己可以為香港做一件咩事呢?6月時覺得唔能夠再等,所以把握呢個機會。」

相關新聞:【撥亂反正●深水埗】建制派濫用授權票養懶人 民主派區議員誓推翻

他指參選未有考慮輸贏,「正如一開始啲手足都冇諗住今次(運動)走到咁遠」,出戰抱持的心態是議會資源應跟從香港人的價值而分配,「而唔係被建制派把持」,眼見灣仔多區極有可能由建制派自動當選,「咁點解(自己)唔能夠出嚟試一試吖?」

藍屋居民顧國慧也是灣仔起步成員,趁原區議員鄭其建退下火線萌出選之念,終在「軒尼詩」當選,謝票當晚不少街坊上前握手祝賀。顧指修讀港大文化管理課程後,體會應用社區力量搞活社區,「覺得好多區議員只做法團維修或關注街道乾唔乾淨,但我希望做到居民對社區有歸屬感,大家諗啲嘢一齊做」,曾為大坑居民的她,自然第一時間想起楊雪盈。

「如果冇人一齊選,我呢個區內唯一民主派,係咪可以負擔多4年民主派嘅工作呢?」孤軍作戰的挫敗感曾令楊雪盈思考是否爭取連任,因此欲聯線出戰,物色戰將期間最常聽到的是「唔好搞我」,逆境中未放棄,終打出10將6勝的亮麗成績。成功連任的她不諱言反送中運動令人更在意議會戰線,「令成個民主運動喺社區中放射性咁影響好多人」。

4年前勝選後,以流動戰車作辦事處,又為會議進行直播,楊雪盈笑指:「(我)一個人喺議會俾人蝦被人揼冇人和議又或者佢哋(建制派)講衰嘢,其實冇人知」,有片正好有真相。既然民主派議席過半,是時候將建制治下糊塗賬撥亂反正,楊指,獲建制派支持,硬將摩頓台排球場拆卸改建納米社區會堂的1億工程仍在勘察階段,冀將此耗費公帑卻無實質作用的項目推倒重來。

改革議會也是必須,除了爭取以港台頻道直播會議,也力倡部份會議移師維園舉行,同時安排居民發言,更倡議與居民制訂每年區會獲撥款的3,000萬元年度預算,灣仔人論灣仔事。「將個社區再開放一啲,由社區力量支撐民主力量,咁樣先可以係迎來最大勝利」,因此推進民主政改、跟進警暴濫權,港人的事也是灣仔事。

-----------------------------
【民陣國際人權日遊行】
日期:12月8日
時間:下午3時
地點:維園至中環遮打道
主題:守護香港.和你同行
*不反對通知書申請中
-----------------------------
2019區選專頁
光復香港 11.24踢走共產黨
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載