› 選擇地區
三藩市
紐約
洛杉磯
其他美國地區
香港 台灣 北美
 
2019年11月23日

【區選光復香港】無緣周日投票遺恨 龍門老闆:請代我為城市發聲

建立時間 (HKT): 1123 00:05

由掛住讀書考牌到埋首創業,一場反送中運動,改變了龍門冰室老闆兼創辦人張俊傑,成為他成年後,公民教育的最佳啟蒙老師。區選在即,他直言悔恨錯過登記成為選民的機會,呼籲已登記的選民,周日記緊代他為這個城市發聲,投上神聖一票:「大家都見識過依家好多議員,有人講人話有人不知如何形容講咩話,大家就用自己嘅選票,去選一個用良心去做嘢嘅人,幫你去發聲。」

相關新聞:【區選光復香港】14區民主派上屆僅負百票 黎熙琳再戰華富南報「三票之仇」

記者 呂麗嬋

區議會選舉在即,相約張俊傑談選舉,原本約好在他位於尖東的分店見面,殊不知遇上「催淚彈放題」,被圍困多日的理大進退維谷,大批市民前往聲援,尖東街頭又再成為戰場。「一邊係防暴一邊係啲小朋友舉起雨傘,好多催淚彈,我哋要關上店嘅玻璃門,唔想食物受污染,單一個朝早,持續咗近兩小時……」好不容易終於可以安靜下來詳談,阿傑一面疲憊。「瞓唔到,一早要去工場,噚晚食咗兩粒安眠藥先至瞓到兩個鐘,一起身就一路追番發生咩事,好似無瞓過。」

相關新聞:【區選光復香港●雙順】山城上的警民大戰 梁漢祺:這裏是香港縮影

多事之秋,全港有5間分店的龍門冰室,既是黃色經濟圈下的網紅,又是藍絲攻擊的對象,其中多次遇襲的紅磡分店,與理大特別有淵源,只因小店與宿舍僅一街之隔。「未有呢場運動前,佢哋嚟食嘢憑學生證會有折頭,所以好多理大學生成日嚟食。」多間大學宣佈學期提早結束,大批理大學生留守,報載有食材但無人煮,只能食「求其餐」和「是但飯」醫肚。「無啖好食係好慘,我唔係做廚出身,但至少識自己煮吓汁,所以就拎晒啲材料入去理大,諗住教啲學生自己煮咖喱汁,等佢哋可以餸飯,食返平時嘅味道。」

「兩個後生仔仲幫我拎啲嘢入廚房,入到去一呼百應,大家一齊準備,大半個鐘已煮好大盆咖喱汁,分畀啲同學仔,成煲汁好快就食晒。」本身港大畢業的阿傑直言,那一個早上,就如重回宿舍,溫馨場面還歷歷在目,怎想到數日之間,熟悉的紅磚大學已淪被重兵圍城的戰場。「感覺係好難受……」阿傑感嘆。會考6A高考3A,讀屯門屋邨學校出身,他直言從不是典型的乖學生,喜歡駁嘴駁舌。「見到阿sir講錯晒或者有咩甩漏,一定會寸佢,到大學有機會上莊,立即報名。」

數學成績好,大學讀精算,畢業後考牌,每日放工就埋首溫書。「嗰時真係新聞都唔睇,好在我偶像係黃子華,成日睇佢嘅棟篤笑,佢講好多時事,知道香港發生緊咩事。」有人說龍門冰室因為他越走越前、被標籤為深黃店,他大感無奈,只是做應做的事。「不關龍門事,係我個人政治傾向,政府推送中條例,專業人士話不可行,100萬人遊行政府唔理,200萬又唔理,唔係一班不顧自己前途嘅學生去阻止呢件事,我哋已行緊大陸法,所以我係好感激佢哋。」

過去和大部份香港人一樣日出而作,阿傑苦笑謂是一場逆權運動,讓他再次關心社會。「香港依家係好唔正常,就如黃子華所言,董伯伯係好特首,佢無能力為香港做好多事,至少而家公廁有廁紙都係佢嘅功勞;曾蔭權由英國培植出嚟,無為而治;之後兩個特首就用金錢蒙蔽你,講大陸畀咗啲咩利益香港,有自由行香港經濟先會好,但大陸有難係邊個幫?當年水災,香港人做咗好多嘢都無提,依家下下講東江水講大陸食材。」

和香港人一樣一肚怨氣,他越說越激動:「最需要人幫時,幫你嘅就係恩人,依家係掉轉頭嚟講,我學識咩叫忘本;仲有玻璃心,某個藝人戴口罩影張相,頭髮遮眼就話人哋支持反送中,要抵制佢,係邊個搞到咁政治化?大家爭取嘅只係應有嘅自由,原來有嘅東西。一早答應咗50年不變,有雙普選,但一路拖,點解要分黃藍兩派?分嚟都多餘,我不會說自己是黃絲藍絲,看是非黑白就好,做事講良心用良知去做,唔係人哋問你,邊度打人我見唔到,想問良知去咗邊度?」

只是,今日香港,公開表態禍福難料,阿傑說擔心一定有,只能見招拆招。「每日朝早接到電話,好怕聽到邊間舖頭又俾人扑爛晒;我阿媽亦好擔心我嘅人身安全,成日問我喺邊,叫我唔好留喺街,唔好一個人,但驚都無辦法,我只係做茶餐廳,咁樣都有人睇唔過眼,人哋大企業,誠哥做嘅嘢肯定多過我,我只係資助下啲學生食嘢、幫下啲有需要嘅人食下乾糧,我覺得我做嘅係能力範圍內嘅小事,誠哥幾億幾億咁拎出嚟咪仲偉大?」

他反問:「點解要針對我依啲小市民小企業,然後走出嚟攻擊我?」區選在即,未及登記做選民,阿傑直言很後悔:「我由細到大都無申請到做選民,所以咁多年區選都未投過票,不過早幾日有人聯絡我,佢話你有幾間餐廳可以有票,問我會唔會登記做功能組別(飲食業)嘅選民,我立即答應咗,約咗佢明日去登記,盡自己公民責任,希望揀一個真正代表到行業有良心嘅議員。」

他並呼籲已登記做選民的朋友,記緊投票,留得青山在,未來兩日勇武派謹記要保持克制:「大家都見識過依家好多議員,有人講人話有人不知如何形容講咩話,大家就用自己嘅選票,去選一個用良心去做嘢嘅人,幫你去發聲。」推而廣之,若可一人一票選特首,他說亦未必有今日的局面。「基本法講咗會有,只係延遲仲變小圈子選舉,如真係有票,就未必可以咁樣通過《蒙面法》,第二啲國家,總統民選出嚟,但我哋嘅特首就只係用權力硬推,叫人如何心服?」由不問選舉到認真探究討論神聖一票到底有多神聖,一場運動,有破壞但也肯定有建設,激起的,何止千重浪?

除了當紅黃店,期望借手中一票於機制內起革命的,還有在運動中同樣瞓身作年輕人後盾的基隆茶餐廳老闆娘曹德雪,登記成為選民超過20年,家住西灣河的她,表示每逢選舉日,都會趁落場的兩小時,由太子趕往票站投票,一盡公民責任。

事實上,由雨傘運動到今次的反修例風暴,人稱Cat姐的曹德雪,亦不理小店經營困難,選擇站在弱勢一方,全力支援學生。過去亦有免費派飯給社區長者及露宿者的她並說,作為香港人,投票是公民責任,今年六月,小店並已響應「18種香港」號召,變身成為「小店登記站」,由民間發起呼籲市民登記做選民,希望同路人可好好利用手中選票,「懲罰」賢人服務香港,一齊尋回昔日美好的家園。

其他候選人資料可瀏覽 https://bit.ly/2MUQywa

-----------------------------
【民陣國際人權日集會】
日期:12月8日
時間:下午2時至6時
地點:維園
主題:守護香港.和你同行
*不反對通知書申請中
-----------------------------
2019區選專頁
光復香港 11.24踢走共產黨
-----------------------------
【撐學生】
召集有心人 撐學生全年睇《蘋果》
立即按此
-----------------------------
無懼警暴 學懂自救
《抗暴之戰●法例須知》讀果 上架

【區選光復香港】14區民主派上屆僅負百票 黎熙琳再戰華富南報「三票之仇」 【區選光復香港●雙順】山城上的警民大戰 梁漢祺:這裏是香港縮影 【區選光復香港】「送中」旗手李慧琼周浩鼎被追擊 民主派誓要兩禍首問責 【區選光復香港】巡視中大後突被捕 趙柱幫引述警員:啲議員好蠱惑要睇實 【區選動物政策】「政府空置地曬太陽」 候選人倡善用資源建人寵共融社區 【區選光復香港】溫哥華港人返港投票 陳偉業:建制大敗勢令習近平丟臉 【區選光復香港●太古城西】咬甩左耳廓後負傷「復工」拉票 趙家賢無悔保護遇襲巿民 【抗暴之戰】太古快閃「和你lunch」 呼籲港人周日投票堅持抗爭 【區選光復香港】黃金3日!連登仔發起貼宣言撐選舉:11.24絕不破壞,香港人投票! 【區選光復香港】用選票就政府表現和警暴表態 民主黨籲市民11.24投票 【區選光復香港】選舉前夕 民主派候選人再被大規模抹黑 【區選光復香港】網傳腰斬只計首3小時選票 選舉事務處:投票15小時選舉方有效 【區選光復香港】何俊仁遇襲後首主持《細說中南海》 黎智英籲港人議會街頭雙線配合 【區選光復香港●北角】建制派被裁定違規擺街站仍繼續撒賴 公民黨鄭達鴻感無奈 【區選光復香港】盼港人給年輕民主派機會 方仲賢:危急存亡之際投良知一票 【區選光復香港】黃之鋒籲以民主派得票力證:香港人從來無割席! 【區選光復香港】私了堵路因制度不公 陳淑莊指若不投票等於香港人一齊跪低 【區選光復香港】不能在前線抗爭的人 首投族:選票就是表態「武器」 【區選光復香港●北角】無懼打壓社工冀重建信任 「福二代」助選盼打破建制資訊壟斷 【區選光復香港●尖東及京士柏】泛民佔優票站被取消 朱子洛:市民會排除萬難投良知一票 【區選光復香港●天恒】全港年輕選民比率最高 傘兵二度狙擊工聯會「醬爆」 【區選光復香港】長者投票好勇武 屆屆創新高力壓「廢青」 【區選光復香港】網傳大批涉種票投票通知書退回郵局 選舉事務處稱僅收638宗個案 【區選光復香港】中大下周一恢復校園運作 五大專票站臨時改地點 【區選光復香港】偽黃候選人豪言萬億買美國國債收息 五大訴求變「五大政綱」 【區選光復香港●九龍城】偽黃候選人「神隱」發文宣攻擊民主派 開咪拉票嗌錯「反佔中」 【區選光復香港】新界素人勇闖鄉黑惡人谷 面對恐嚇襲擊誓不退縮 【區選光復香港】張炳良望選舉順利進行 相信結果會對政府造成壓力 【區選光復香港】美議員俞懷松鼓勵踴躍投票 以投票率擊敗選舉舞弊 【區選光復香港】黃之鋒被禁出境 英上議院議員赴港頒人權獎及監察選舉 【區選光復香港●石湖墟】投票日前再遭大規模抹黑 林卓廷斥有人想影響選舉公正 【區選光復香港●荃威】親建制大媽打民主派候選人義工再襲警被捕 【區選光復香港】官媒批「暴亂未止何來選舉公平」 夫子:或助建制吸中間游離票 【區選光復香港】倡給予港人居英權 英上議院議員奧爾頓赴港監察選舉 【區選光復香港】民主派最後催票 踢走保皇向國際戰線證爭五大訴求決心 【區選光復香港●沙田】公民黨力爭7席 候選人籲用選票保護下一代在公義下成長 【區選光復香港】選舉處設投訴熱線 3警署有票站供被捕者投票 【區選光復香港】血債縱使不能票償 民間記者會:區選戰線決不可失 為光復香港與死神刷過 中槍周同學籲投票:民主是必然不應以性命換取 【區選光復香港●堅摩】鎅票黨提名表有問題 選舉主任選前才交執法機關跟進 【區選光復香港】暨南大學疑濫用學生資料拉票 教職員要港生投建制 【區選光復香港】破例呼籲信眾投票 陳日君:由呢度開始贏 保住香港人嘅價值 【區選光復香港●東華】民建聯候選人被質疑涉走法律罅冒稱「會計師」 【區選光復香港】網傳投票時人面識別捉「曱甴」 選舉事務處澄清:絕無此事 【區選光復香港】不分和勇多路齊攻 11.24和你投先取區會
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載