› 選擇地區
三藩市
紐約
洛杉磯
其他美國地區
香港 台灣 北美
 
2019年09月18日

【取消賽事】馬會腰斬夜馬賽 馬迷轟何君堯一個累全家:呢個人唔要得

建立時間 (HKT): 0918 16:57

原訂今日(18日)舉行的跑馬地夜馬賽事,被指與元朗7.21白衣暴徒恐襲有關的立法會議員何君堯,其愛駒「天祿」有份參與。有網民發起入馬場抗議行動,最終馬會以「馬迷、騎師和員工的安全及馬匹的福祉可能受到威脅」的理由,下午1時多宣佈取消今晚賽事,已投注的馬迷可獲退款。

相關新聞:【取消賽事】雙十暴動曾令開鑼日告吹!78年馬伕大罷工影響更大

《蘋果》下午到深水埗汝州街馬會投注站,站內電子顯示屏上已顯示相關公告。不少馬迷、街坊都駐足觀看該張告示,紛紛表示驚訝,「今日冇馬跑呀?」、「冇馬跑都會嘅?」等。投注站內市民不算多,有馬迷得知消息後,便拋下一句:「唔怪得之今日(投注站)咁靜。」

馬迷羅先生表示,不滿馬會取消全部賽事的決定,「取消咗佢(何君堯愛駒所參與賽事),唔畀佢跑,咪大家都有得跑,馬會都唔使損失咁多錢。」他質疑,馬會決定是想加深社會對示威者負面印象,「馬會唔跑咪有政治作用,等你哋可以憎啲示威者。」被問到會否認為何君堯「一個累全家」,他表示認同,「呢個人唔要得。」

相關新聞:【取消賽事】一條友累全家!所有練馬師部署都被打亂

馬迷陶先生表示,不介意馬會取消賽事,「買親都唔會贏錢,呢啲有錢佬玩意,十個有八個都係輸錢。」被問到會否覺得何君堯「一個累全家」,他指沒所謂,笑言取消賽事後可以慳錢,「可以買多隻雞食吓。」

而馬迷王先生相信,馬會很難只單獨取消何君堯愛駒參與的賽事,並指不介意賽事被取消,「冇得買咪買六合彩。」

-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
-----------------------------
《囚牢之疆》 專頁
揭開集中營邪惡面紗
今日新疆 明日香港

【取消賽事】雙十暴動曾令開鑼日告吹!78年馬伕大罷工影響更大 【取消賽事】一條友累全家!所有練馬師部署都被打亂 【取消賽事】何君堯稱非常遺憾 反斥馬會向「惡勢力」低頭 【取消賽事】政府失去1.2億稅款!賽期密麻麻難有空檔補賽 【取消賽事】賽駒今朝有運去快活谷!馬場環境難阻示威者入跑道 【取消賽事】馬會公佈退款安排 現金投注須60日內進行申領 【取消賽事】點解唔用?馬會至少有三條例 可禁「天祿」出賽! 【取消賽事】馬迷一面倒怒插何君堯「攬炒」 【取消賽事】「我係練馬師一定唔替天祿報名!」霍利時暗批告東尼須負責任 【取消賽事】何君堯老竇亦有匹「天祿」更贏過女皇盃! 【取消賽事】即使何君堯失馬主資格 「天祿」紅味仍難脫 【取消賽事】嘲何君堯成害群之馬!專頁改圖兩粒鐘有3000開心shares 【取消賽事】指馬會做法非上策!年輕女評馬家Charene:可安排天祿去從化跑 【取消賽事】建議強制天祿退役!陳華棟:賠雙倍馬價給馬主一了百了 【取消賽事】使唔使咁驚呀?宣佈唔跑後數小時 谷中仍集結大量保安 【取消賽事】馬會一刀切全晚唔跑馬 掀卸責示威者陰謀論 【取消賽事】馬圈兩巨人評香港局勢!希斯樂觀 大摩悲觀 【取消賽事】指政府要帶頭解社會心結!梁浩賢:香港需休養生息 【取消賽事】揭馬會今早致電天祿另一馬主!何君堯:佢哋話管理層表示擔心 【李八方online】何君堯重新定義成語「害群之馬」 【取消賽事】田少倡何君堯賣愛駒股份 免示威者「入場支持」 【逆權運動】網民稱圍堵何君堯愛駒「天祿」 馬會取消今晚快活谷所有賽事
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載