› 選擇地區
三藩市
紐約
洛杉磯
其他美國地區
香港 台灣 北美
 
2019年09月07日

【逆權運動】目擊8.31維園喬裝警開槍 袁師母揭警謊言:卧底至少15人未見搶槍

建立時間 (HKT): 0907 00:05

8.31爆發激烈警民衝突,警方承認當晚再派警員喬裝蒙面示威者,並於5分鐘內兩度在維園開槍,引起公眾譁然。翌日警方在例行記者會上,聲稱只涉兩名卧底警員權充探子,並因有「暴徒」一度想搶佩槍,警員被迫向天開槍示警。不過,當晚在維園勸示威者離開因而目擊事發經過的傳道人「袁師母」陳錦美,挺身指警方所言不盡不實。她指證在開槍前半小時,先後見到至少3批喬裝成黑衣示威者的警察,分別以5人一組共15人,由維園北小徑沿告士打道抵達維園噴水池入口,直至第3批涉事警員被揭發身份,因而與示威者推撞,其間未見有人搶槍。

相關新聞:【逆權運動】質疑8.31維園開槍是否必要 「我覺得示威者唔係想傷害警察」

記者 呂麗嬋

「嘭!」槍聲劃破維園黑夜,事隔多天與記者重返事發現場,陳錦美一臉感觸。「親眼見到5個5個一組扮示威者嘅警察不斷進入維園,仲係陀住多於一款槍,警方事後嘅解釋係不知所謂,想做證人講番見到嘅事,其實當時好多人喺天后散緊,我都準備走,係喺好冇準備嘅情況下目擊到整件事。」8.31當晚,警方一早駐重兵在銅鑼灣一帶佈防,維園四周都是防暴警察,近晚上9時,大批群眾進入維園準備前往天后方向散去,因為人太多,陳錦美與友人決定抄小路,向海旁方向沿維園北走另覓出路。

相關新聞:【逆權運動】投訴小學教師網上言論違職業操守 警4職方協會去信特首

「條路唔係好多人,喺草叢中間突然見到5個頭盔,全部黑色,好靚好貴嗰隻,嗰5個人身形身高又差不多,我下意識就大聲嗌:『有防暴警察啊!』嗰時條路得5、6個示威者,佢哋聽到轉頭就走,剩番我同我嘅朋友,因為好奇怪,如果係防暴冇理由得5個咁少,所以想望真啲,見佢哋口罩同衣着都各有不同,冇傾偈只係喺度睇電話,但最令我奇怪嘅係佢哋好淡定,我大嗌有防暴,佢哋唔追但亦唔走……」陳錦美懷疑5人身份,遂細聲告訴身邊示威者,共識是「睇定啲」。

陳錦美不放心,折返噴水池維園入口,其時有約十多名示威者停留,相隔約1至2分鐘,5人一組的黑頭盔喬裝警亦步至水池旁,「我見佢哋行入維園範圍,就主動行過去問:『你哋係示威者定係警察?』佢哋互望一眼冇人答,過一陣其中一個答:『我哋梗係示威者啦。』咁我就跟住問:『你係示威者,咁你示咩威呢?』佢哋明顯窒一窒,其中一人答:『光復香港吖嘛。』但講得好甩咳」。陳錦美笑謂對方答完仲「牙牙學語」反問:「你係咪又想割席呀?」令她失笑。

對話完結,陳謂5名疑人或見行迹敗露,不久即向電車路方向離開,原以為危機解除,但首批5人組離開後相隔不足10分鐘,她又發現另外5名裝束身形相近的「黑衣蒙面示威者」由北面小路走到噴水池,在樹前稍駐足再向電車路方向走去。「我嗰時已經高度懷疑,叫啲示威者快啲走,唔好再留,話維園太多人扮示威者,相信唔止10個……但話口未完,又有5個喺同一方向行過嚟,同我哋係好近距離,而喺呢個時候幾個示威者就行咗過去,質問佢哋係咪警察,雙方係有推撞,圍住水池由外邊推到去埋邊,我同佢哋相距一段距離,但清楚聽到大家講咩,唔想佢哋有衝突,就用佢哋慣用嘅語言嗌過去:『你留住一隻狗,就會引嚟好多隻狗過嚟,唔好留人,畀佢走啦……』」

只是說時遲那時快,已有3、4個喬裝警掙脫向海旁方向逃去,只剩一人在長凳附近,被5、6個示威者圍住。和長凳相距約十幾米,陳錦美說,只見有人除下喬裝警的面罩,現場氣氛尚未算太緊張,「不斷聽到好嘈吵,圍住警察嗰啲示威者都好年輕,猛問佢係咪警察有冇委任證,有啲人攞咗佢啲嘢嚟睇,確定佢係警察,有人就大嗌真係鬼……當然如果我係嗰個警察,我都會覺得好緊張,示威者年紀比較輕,冇諗過咁嚴重,只係想證明佢係警察,影吓相然後放佢走」。陳錦美只見雙方推撞,但強調其間未見有人試圖搶槍或毆打該名警察。

「冇聽到搶警槍嘅聲音同言語對答,只係不停聽到有人問:『你哋係咪警察?有冇委任證?可唔可以畀我睇你哋嘅電話?可唔可以畀我睇你哋背囊入面有乜嘢?』講到背囊我係好擔心,因為我發現當中有人孭住嘅係唔尋常咁長嘅背囊,有可能係後來見到嘅胡椒球槍,而喺我認知裏面,便衣警察係會有槍嘅,只係大家好沉醉咁圍住佢,突然就聽到嘭一聲。」 陳錦美說當時第一個反應是大嗌:「真槍呀!」有示威者亦大嗌開槍然後驚惶四散,「嗰時落緊雨,好多人跌倒,好擔心有死傷,立即向佢哋方向嘅地下望,同埋睇吓有冇人標血……」

「警察唔好再開槍!」陳錦美再大嗌。第二下槍聲相隔幾分鐘,陳說當時已被途人推離噴水池範圍,「響第一下槍聲之後,有一個社工喺我隔籬,佢身形比較健碩,唔畀我再行前,我當時係唔覺得示威者想打個警察,如果要打其間好多時間可以打,並唔係警方所講有大量示威者圍住佢哋」。兩下槍聲之後,4、5個警察撲出,其中一個用胡椒球槍,於兩米內向示威者不斷發射,「有示威者喺天橋底被捕,嗰時落雨好多人逃跑時跌低,就我眼見,至少3至4個被捕」。

陳錦美說事後有同樣在現場的示威者主動聯絡她,「佢同我講捉到有鬼係好嬲,但唔想打警察,後來先知道原來有槍,我聽到覺得好無奈」。她反問,如果喬裝警只為驅散人群而非殺人,為何要陀槍呢?「警方每日4點都會開記者會,最想問點解佢哋要扮示威者呢?喺文明法治嘅社會,扮卧底查劫案、販毒案(好正常);我唔係話示威者所有做嘅嘢都係合法或者非法,但佢哋唔係大賊,唔係想殺死警察,如果你咁驚要陀槍出嚟,請你唔好再扮示威者。」

陳錦美目擊8.31維園開槍經過

●近晚上9時,維園北小路旁草叢突見5個黑頭盔蒙面黑衣人,對「有防暴」呼喊零反應,懷疑是鬼
●陳錦美向5人組查詢,對方否認後停留一陣,向電車路離開
●相隔不足10分鐘,第二批外形相似的神秘黑衣人由北面小路走到噴水池,在樹前稍駐足後走往電車路方向
●第三批5人組由同一方向來到噴水池,幾名示威者按捺不住上前質問對方是否警察,雙方推撞
●其中4個喬裝警掙脫往海旁方向逃去,只剩一人在長凳附近,被示威者按在地下圍住
●有示威者除下喬裝警面罩拍照,查看其手機並要求出示委任證
●突然傳出第一下槍聲,示威者大嗌開槍,驚惶四散,多人跌倒
●數分鐘後傳出第二下槍聲,4、5個警察撲出,其中一個用胡椒球槍於兩米內不斷射向示威者,現場所見至少4人被捕

資料來源:陳錦美口述

-----------------------------

香港人權與民主法案祈禱會

日期:9月8日(星期日)
【遮打花園集會】
時間:下午1時30分至6時30分
地點:中環遮打花園

【流水式自發到美領館】
時間:下午2時起
地點:美國駐港澳總領事館

主辦:民間發起
-----------------------------
【撐學生】
召集有心人 撐學生全年睇《蘋果》
立即按此

【逆權運動】質疑8.31維園開槍是否必要 「我覺得示威者唔係想傷害警察」 【逆權運動】投訴小學教師網上言論違職業操守 警4職方協會去信特首 【逆權運動】8.31太子放工搭鐵遭警棍打拳毆 被捕者擬循法律途徑索港鐵閉路電視 【法政巴絲】「缺一不可」的不只是訴求 還有我們每一個 【醫家有Say】學生因政見分歧情緒受困 家長老師可以點樣做? 【撐學生】中產父由港豬變買裝備撐兒子上前線 「做唔出叫自己仔女匿埋一邊」 【逆權•We Connect】「一班乖孫」教銀髮族用連登 出書講cap圖「置頂」想送本畀林鄭 【逆權運動】何君堯見帝吧成員拍片抽水 「帝吧出征,寸草不生」 【逆權運動】大馬首相唔睇好一國兩制 料中共以武力鎮壓香港 【逆權運動】《紐時》:中國怒指美國是「幕後黑手」 反映領導層越來越焦急 【逆權運動】聯合國人權理事會下周開會 中國料有代表以「討厭」言辭提香港問題 【逆權運動】CNN:港府受中央左右淪跛腳鴨 林鄭在香港水深火熱時仍被擺弄 【逆權運動】警員驅散機場市民 人力女成員等巴士被拘捕 【逆權運動】私家車險撞防暴警 司機被拖落車拘捕 【逆權運動】油麻地、旺角及太子站重開 【逆權運動】揮刀斬人竟變原告 廣東道紅衣刀手稱遇襲受傷 【逆權運動】沙田站爆警民衝突至少拘2人 防暴警一度被包圍有警員送院 【逆權運動】新任監警會成員余黎青萍:警方唔係「無端端」施行暴力 現設獨立調查不可行 【機場交通】東涌綫減至15分鐘班1班 東涌站AB出口一度關閉 【逆權運動】「龜縮」鄭若驊紙上談兵 網誌奢談「調解」未提實質方法 【逆權運動】黃之鋒 馮敬恩英《都市報》撰文:林鄭小讓步是想國慶前製造和平假象 【逆權運動】彭博訪問黎智英: 如出解放軍 香港中國一齊玩完 【逆權運動】防暴警察進駐機場 離境旅客:感覺更唔安全 【逆權運動】配備長槍橙旗黑旗 防暴警到青衣機鐵站戒備 【逆權運動】機場附近防暴警嚇怕遊客街坊:使唔使咁多武器? 【逆權運動】1.6萬中學生參與首周罷課遇多校打壓 有校長嘲掛白絲帶學生「家人搞喪事」 【逆權運動】何君堯「視察」罷課學校後 神秘人現身襲擊學生扯口罩如7.21暴徒 【逆權運動】水炮車銳武裝甲車齊現身 機場範圍戒備 【逆權運動】台大學生會長談反送中 家長要求校方退會費 【逆權運動】連登仔自製抗爭者進行曲 網民大讚旋律感動推舉成「國歌」 【逆權運動】海外港人自製《Be Water》歌曲 望能慰藉港人心靈為繼續抗爭打氣 【逆權運動】七旬伯伯商場舉大字報籲家長撐抗爭:後生都出嚟 自己唔做點對得住良心? 【逆權運動】$5,000代辦台灣居留權? 詐騙集團呃「災難錢」 【逆權運動】英國際貿易部: 港取消派代表參加國防及軍用警備展覽 【逆權運動】童權組織轟罔顧兒童生命安全 促警公開處理手法程序 【逆權運動】失明律師無懼警暴到德福「行街」 屢站前線幫示威者:次次催淚彈都有我份 【逆權運動】60防暴警突進駐杏花邨站 查街坊身份證兼搜袋 【逆權運動】旺角警署外爆發多次衝突 多名市民被拘警發射胡椒球彈無舉旗 【逆權運動】周日「人權與民主祈禱會」獲發不反對通知書 遮打集會再往美領館請願 【逆權運動】謝偉俊指不應為「少少嘢」爭拗:不如「醒覺」做吓環保仲好啦 【逆權運動】民建聯代警屬反映訴求促設「監師會」 教協狠批製造白色恐怖 【逆權運動】日本民間組織發起撐港人遊行 批中共侵略壓殺香港 【逆權運動】傳8.31太子站3傷者失蹤 《鏗鏘集》搜證指全部送廣華 【逆權運動●現場直擊】東涌清場警員再濫用武力 防暴警從後於樓梯拉跌少女再用警棍扑頭 譚小環小食店「渣哥」遭搗亂淋紅油 【逆權運動】將軍澳站閘機遭破壞 防暴警進駐市民狂呼「黑社會」 【撐學生●紀實】15歲發夢窮少年患哮喘做滅火 「若被捕令深藍家人變和理非就係bonus」
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載