6.12警隊開槍鎮壓和平示威學生，「克警」暴行引起國際社會關注，唔少團體要求成立獨立調查委員會徹查事件。八方就收到風，一個名為「北大法學院香港校友會」嘅WhatsApp群組，有人就發起行動，同樣要求成立獨立調查委員會，不過就話要揪出「暴動」事件嘅幕後策劃同金主喎，同主流意見認為政府應設獨立委員會查「克警」濫用暴力好唔同，唔知成立咁嘅委員會，政府會唔會容易啲聽入耳？
據了解，呢嗰群組嘅學員係來自中聯辦香港法律界人士內地研習班，個研習班喺北大舉行，參加完幾日就可以加入同學會。
呢嗰組織仲要求「暴徒」回應佢哋5大訴求，包括承認6.9、6.12在立法會大樓發生的「暴動」，參與者要立即自首、承諾日後和平示威唔可以戴口罩、頭罩同眼罩，又要求立即停止對警察及其家屬起底及恐嚇，仲有要民陣發起人、所有泛民議員向特首林鄭月娥、警隊上下，同埋台灣被殺案嘅死者同家屬公開道歉，講到如果「暴徒」唔回應呢啲訴求，誓不罷休咁話。
不過如果「暴徒」真係道歉，道歉方法好像特首咁樣，呢班「法律界」精英又唔知收唔收貨呢。
-----------------------------
【登記做選民 7月2日截止】
登記方法：
。親身取表填寫及郵遞
。網上登記（可用手機登入，在選舉事務處網頁打開REO-1表格，使用免費手機應用程式Adobe Fill & Sign打開表格，再按指示填寫資料，按儲存文件並以點擊分享，再電郵至form@reo.gov.hk）
詳情可參閱選舉事務處網頁：
https://www.reo.gov.hk/ch/voter/gcnr.htm
-----------------------------
你撐蘋果 我捐$1
支援反送中抗爭者
