› 選擇地區
三藩市
紐約
洛杉磯
其他美國地區
香港 台灣 北美
 
2019年06月06日

【引渡惡法】沉默中爆發 連登仔放下鍵盤擺街站反送中

建立時間 (HKT): 0606 00:10

高官為硬推「送中惡法」,「膠論」連篇,過去予人「鍵盤戰士」印象的「連登仔」和「高登仔」,此仗也走上街頭,自發派單張及創作改編歌,向港人力陳「送中」惡法問題所在,同時呼籲全港「巴打絲打」6月9日上街反惡法。「香港現時只餘下兩條路,你一係喺沉默裏面爆發出嚟,改變呢個唔想見到嘅現實;一係就等死,我絕對係一定會出聲!」網名「在沉默中爆發」的「連登仔」Alvin如是說。

相關新聞:【引渡惡法】《由這一分鐘開始送畀中央等判監》 高登巴絲改編金曲籲6.9上街

記者 林俊謙

今年23歲的Alvin將於9月於大學修讀環境系,與政治毫不相關。他坦言過去「超級政治冷感」,首次參加遊行集會是2014年雨傘運動,當時只2次短暫逗留金鐘。傘運未能迫使政府政改讓步,Alvin與很多香港人一樣感到灰心,2015年起不再看新聞,直至2016年香港發生銅鑼灣書店、DQ議員、旺角騷亂等事件,他重新關心政治。

相關新聞:【引渡惡法】彭定康拍片發聲明 6分鐘短片足本睇

能激發Alvin由透過鍵盤作戰,改為大熱天時上街派傳單「反送中」,除了特區政府硬推送中的惡劣手法,以及中聯辦明目張膽粗暴干預,他身邊同學和朋友對修例的漠不關心,亦是關鍵原因,「香港好多人都唔知發生緊乜事,連對佢哋利益同香港經濟有乜損害都唔知,所以我就決定發起派傳單。」

為了「反送中」派傳單行動,Alvin特別將網名改為「在沉默中爆發」,他解釋:「呢個係魯迅名言,佢話不在沉默中爆發,就在沉默中滅亡。香港現時係得兩條路,你一係喺沉默裏面爆發出嚟,改變呢個唔想見到的現實,一係就等死,我絕對係一定會出聲。」

然而要一眾「巴打絲打」同在沉默中爆發並不容易,Alvin最初試過在連登、高登和香港討論區洗版呼籲網民協助派傳單,但帖文在高登未獲積極回應,他為「深入敵陣」而開設的3個香港討論區賬戶,更在短短半小時即統統被封鎖。

最終他接受友人建議,在連登發文分享與約10名義工派單張的相片,力證「連登仔唔係齋講唔做」後,該帖文除獲逾萬名連登「巴打絲打」讚好,更有逾200名網民報名加入,成員至今先後在紅磡、大圍、寶琳等港九新界各區派發傳單。

《蘋果》在寶琳站外與Alvin訪問當日所見,自發到場派傳單的以年輕人為主,亦有部份為中年人,長者則較少。他們派發傳單時誠意十足,除積極主動遞上傳單,部份成員更作90度鞠躬,與建制派撐修例的「Hea擺式」街站完全不同。他們沒有任何薪水,反而要逐一「夾錢」數十元印製單張,為反送中「出錢出力」。

對此現象,Alvin說:「如果你有留意,其實喺街度,好多人都用連登,佢哋唔係只係嗰批唔出聲嘅人或者毒男,其實有男、有女,周街都係。其實連登仔即係香港人,大家今次都有一致立場,想為香港做啲嘢。」

形容今次是香港「生死一戰」的Alvin表示,最重要行動能令更多港人了解送中惡法之禍,同時再次團結香港年輕人,「因為始終香港嘅未來、香港嘅民主、言論自由,全部都係靠香港呢批後生去守護。同埋佢哋係最有資格出聲,因為佢哋仲要喺香港生存多好多好多年,佢哋可能有下一代,佢哋亦要為佢哋下一代負責,我都希望佢哋為香港付出多少少」。

他表明會參加6月9日反送中遊行,希望當日有比03年反23條更多的香港人站出來,「香港人6月9日一定要出嚟,唔係做俾呢個政府睇,要做俾全世界人睇,香港人係識反抗嘅,係對呢件事係有意見,絕對唔係話好多人支持(修訂),建制派話有40萬人簽名,我哋就真係真人出嚟,有幾十萬人出嚟,活生生咁同佢講:我哋係反對嘅」。

自發派傳單「連登仔」

A)「連登仔」GG(19歲,目前無業)
「我希望大家係時候醒吓,你佔中嗰時唔醒,無問題,但現在真係再唔醒,呢個世界就真係完。(送中惡法)最大問題,係無端端俾人屈咗上去(大陸),無端端畀個罪你,然後北上去中國(受審),我連自己生活都無保障,咁我梗係要出嚟啦。」

「你可能做唔到幾多日(派傳單),但都希望可以盡量出多啲時間,唔係只係留喺屋企做keyboard fighter咁樣囉。其實今次係已經有其他國家援助,多少都畀佢哋攞返多少少炮彈去支援我哋。連我咁嘅廢青都肯出嚟,咁點解連你哋咁成功嘅人士都唔出嚟?呢個係我想帶出嘅訊息。」

B)「連登仔」Jayden(18歲,中大一年級生)
「我本身係一個大學生,我覺得知識分子喺呢啲時候,係特別需要企出嚟,呢個亦都係我哋中大人文精神提倡的地方。所以我企出嚟做呢啲事,係一啲好理所當然的事,去喚醒身邊不同的人,或者去感動一啲本身支持呢條條例嘅人,去再次企出嚟試吓去挽回劣勢。」

「可能香港人喺溫水入面,覺得游緊無問題,但其實我覺得盤水已經係好熱。香港人如果真係關心自己,甚至想保護屋企人,其實今次真係需要企出嚟,去話畀政府聽,我哋唔認同(修例)。即使13萬人你(政府)唔理,但如果有100萬人出嚟,企喺你面前,其實你無可能忽視呢個力量!所以我相信要集齊每一個香港人的力量,去挽救自己嘅屋企。」

昔日新聞:
電視辯論互叫熄咪 曾:你係撕裂2.0 林鄭:會順應民意辭職

相關新聞:【不斷更新】全港大中小學學界聯署「反送中」

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

民陣6.9反惡法遊行

日期:6月9日(日)
集合地點:維園草地
時間:下午2時30分集合、3時正起步
遊行路線:維園草地遊行至金鐘添美道立法會
(資料來源:民陣)

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX

【引渡惡法】《由這一分鐘開始送畀中央等判監》 高登巴絲改編金曲籲6.9上街 【引渡惡法】彭定康拍片發聲明 6分鐘短片足本睇 【獨家專訪】仍然勇武?唔撐港獨? 黃台仰:由攻變守抗惡法 【引渡惡法】海外舉反送中標語集氣!多國港人6.9辦集會守護香港 【引渡惡法】單車友周五六港九宣傳籲上街反送中 「感動巿民 6.9遊行」 【引渡惡法】監警會前主席翟紹唐質疑修例無迫切性 引述領事憂商界誤墮法網 【引渡惡法】周日穿白衣背水一戰 冀人數「升級」向政府施壓 【引渡惡法】林鄭輕挑評遊行稱靠晒一哥 陳文敏:送一個港人去內地都嫌多 【引渡惡法】學生動源認購眼罩 澄清沒有製作「燃燒彈」 【李八方online】攞架嚟丟!何君堯邀辯論「送中」惡法 法律界選委婉拒暗示未夠班 【即時文摘】終有一日被同化(李碧華) 【即時文摘】69:5月40日(陳也) 【即時文摘】德國含血噀人(古德明) 【即時文摘】將信心交託畀主耶穌(高慧然) 【引渡惡法】歷年最高3,000人黑衣靜默遊行 郭榮鏗促撤回修例:法律界不低頭 【引渡惡法】「別讓香港淪新疆2.0」黎智英籲6.9上街 《細說中南海》果燃台開咪 【李八方online】法電視台播《蘋果》A1頭版 報道香港18萬人悼六四 【引渡惡法】警方無視民陣抗議 堅持遊行只能維園草坪出發不得中途加入 【引渡惡法】立會保安暴力清場 欲鹵莽推冧長梯整跌議員 【引渡惡法】敢言藝評人6.9上街反惡法 尊子製「戰娘」諷林鄭兇狠 【引渡惡法】大專生代表赴日韓領事館請願 籲就港府修例表達憂慮 【引渡惡法】勸港人勿移民棄城 黎智英籲周日上街護港:否則無地自容 【引渡惡法】66%市民反修例 46%稱一旦通過將移民或轉移資產 【引渡惡法】律政司檢控官現身遊行隊伍 「出嚟做應該做嘅事」 【引渡惡法】3度反駁港府 大律師公會:縱加保障 只如海市蜃樓 【引渡惡法】法律界菁英齊聲反修例 大律師公會前主席:6.9出嚟保障法律城牆 【引渡惡法】市民自發加入法律界沉默遊行:唔可以俾人當鵪鶉 【引渡惡法】醫學界議員陳沛然表態反修例 籲醫生周日齊上街 【引渡惡法】轟林鄭拱手中聯辦治港 彭定康:修例沉重打擊法治
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載