蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年05月25日
馬上成為壹會員

【引渡惡法】黎智英料修例後樓市「跌到仆街」 中外投資者勢撤資

建立時間 (HKT): 0525 22:15

民主黨前主席何俊仁擔任主持的網台節目《細說中南海》,周六(25日)晚上在果燃台播出,今集邀請到壹傳媒創辦人黎智英任嘉賓,討論《逃犯條例》修訂及中美貿易戰。黎智英指出,香港金融基礎建基於法治,《逃犯條例》修訂正正將法治削弱到「任大陸點講」,而本港經濟大部份支柱來自地產市場,很多內地人正正看中本港法治及安全於是投資,一旦修例通過必引致撤資,動搖樓市及金融體系。

相關新聞:【引渡惡法】林鄭諷歐盟多國代表屬「立場宣示」 無實際內容表達對國民影響

立即進入果燃台 收看最新一集《細說中南海》

黎智英指出,「佢(內地人)以前嚟(香港)買樓,附加價值就係所謂安全,(如《條例》通過)樓市跌到仆街,佢啲錢要走,樓市一跌、金融體系搖動,港幣價值都一定搖動。」他認為不論內地或外國投資者,必會在《逃犯條例》修訂後撤走在港資金。

相關新聞:【引渡惡法】政協指內地「大鱷」獲發身份證匿港:特首想保護香港

何俊仁亦狠批特區政府指鹿為馬、破壞立法會體制,「連建制派同我哋坐低傾(的機會),都掃埋一邊。」何分析指,特首林鄭月娥純粹是「殺手」,「嗌佢操刀佢就落」,但在主管港澳事務的國務院副總理韓正、政協主席汪洋等人連日明確表態下,估計修例勢通過,但警告建制派「選舉冇運行」,「我諗左派都未見過,咁耐支持建制嘅人,都反對(修例)得咁緊要。」

黎智英透露,有在2014年雨傘運動指摘他的生意人朋友,今次都反對修例,「民建聯都希望你班友仔搞到唔過得,咁佢哋唔使孭鑊,如果唔係都唔會搵石禮謙做(法案委員會)主席啦。」黎智英呼籲香港人6月9日上街反惡法,「如果我哋香港人今次真係,每個人為最後呢一個抗爭負少少責任,對香港付出少少你哋嘅良知,付出少少你對香港咁多年嘅感恩,行出嚟,勇敢行出嚟。」

節目又討論到中美貿易戰,貿易談判目前陷入僵局,黎智英認為中美之間並非打貿易戰,而是不同核心形態及價值的對峙,縱然各自改變意識形態的機會很微,亦不等於無法達成談判,他分析指,最大爭議點其實並非協議文本最終如何下筆,而是日後如何監察,「(被監察)對共產黨嚟講係辱國喪權嘅事,呢方面係非常敏感。」

黎智英續指,自從習近平上場,對意識形態的控制越來越強,操控意識形態對共產黨而言本來就非常重要,因此認為中國必定會憂慮開放資訊科技市場,或有機會導致跟美國談判「傾唔到」,「畀西方資訊入去,影響即使(只是)喺大城市嘅3億人,我覺得佢(習近平)都唔會做,呢條友係癲架囉。」

黎智英批評,習近平現時利用貿易戰變成人民戰爭,一旦談判失敗,可將責任推卸予美國,「佢(習)自己唔想孭咁多鑊,佢做咗皇帝先知自己大鑊。」黎指出,中國經濟正值寒冬,為社會穩定必須「印銀紙」,此舉勢推高通脹,「如果貿易戰係長期、人民幣貶值,一定會越嚟越大鑊。」

另一位節目嘉賓、浸會大學客座教授吳明德回應稱,在人民幣貶值問題上,中國的最佳「防守」方法就是封閉,最極端是將貨幣全部退回國內,海外不流通。但黎智英認為此舉「行唔通」,即使貨幣不流通,但貨物、價值仍然要流通,對外貿易的價值將直接反映在貨幣價值上,「除非(中國)對外貿易全部斬咗佢啦。」

【引渡惡法●懶人包】大律師公會逐點K.O.政府修例理由

【引渡惡法●懶人包】一文睇晒立會法律顧問7點質疑修例

編輯推介:

金像導演歐文傑作品《六四被忘錄》 6月2日首映暨「六四真議會」接受公眾報名

港同志組織賀台灣同婚合法化 陳志全:港府唔放性小眾平權喺眼內

【引渡惡法】政協指內地「大鱷」獲發身份證匿港:特首想保護香港

【引渡惡法】葉劉稱推23條時一早向領事解說:依家改咪屈服外國勢力?

【引渡惡法】林鄭諷歐盟多國代表屬「立場宣示」 無實際內容表達對國民影響

民陣6.9反惡法遊行

日期:6月9日(日)
集合地點:銅鑼灣東角道
時間:下午2時30分集合,3時正起步
遊行路線:銅鑼灣東角道遊行至金鐘添美道立法會
資料來源:民陣

---------------------------
【六四30】守住歷史 拒絕遺忘
https://hk.adai.ly/zdzKtt2RiW

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載