› 選擇地區
三藩市
紐約
洛杉磯
其他美國地區
香港 台灣 北美
 
2019年02月14日

「祝」不到的情人節 第三者自白:從頭揀過都會同佢一齊

建立時間 (HKT): 0214 00:00

街裏愛人一對對,小情人幸福忘形於人海相擁,單身貴族祈求來年有伴侶。唯有一種情人,活在無人之境。他們的戀愛不允許留下任何痕迹,不敢有風有聲,只剩他們倆、甚或他們仨,為愛情做見證。在這個為天下情人而設的佳節,阿Y(化名)獨處度過。「其實我哋無傾過啲節日點過,我覺得佢都係同屋企人過,所以我自己都唔會問。」語氣淡然,帶有一絲肯定而倔強,像在告訴世界,自己很清楚一個事實:我愛上了有婦之夫。

相關新聞:【情人節】愛。在ENGINE中找你

記者 盧珮瑤

攝影廠中擺放了三張椅子,當中有兩張白色梳化凳-是相同款式,成雙成對;但在它們中間,有一張深棕色高凳,阿Y坐到高凳去,道出這段世俗眼中的不倫之戀,從一年多前,兩人還是同事時說起。「其實一開初識對方都知道佢有太太,我又無特別去諗點破壞佢家庭,純粹覺得有好感,可以一齊更多時間,所以就慢慢越行越近。」太易動情,成為罪名。

相關新聞:【提提你】情人節做咩好?

朋友勸告「做返個好人」

違背人倫,關係自然要躲於暗黑裡。當陳奕迅在《龍舌蘭》中,以婚外情男主角身份唱出「你知不知你是禁忌」時,阿Y清楚得很。

「我(對外)聲稱自己係單身,一嚟好難同人講,二嚟唔想佢曝光......得身邊最熟嘅幾個朋友知。」聽過最難聽的批判說話?「難聽說話比較少......但有啲人係『我為你好』嘅心態,會講『我想見到你做返個好人』呢啲說話。」外界難免對第三者也有既定印象。「不外乎係狐狸精、八婆、自私囉。做第三者前都會覺得有『己所不欲,勿施於人』嘅心態,會好似我朋友所講,點解你要做呢啲事?但當件事發生咗,會覺得自己無辦法,因為你其實係控制唔到(自己)對對方有好感。」

「重頭再揀過仍然會一齊」

不想說明,只想反應。阿Y選擇在兩夫妻之間多埋藏一份秘密,前提是不影響他與家人相處。阿Y認識對方的太太,亦避免同場出現。「因為唔想打擾人哋生活,你(同場)出現就難免有啲互動,自己會思前想後,會覺得呢啲互動合唔合適,人哋睇到覺得點呢。」隱瞞男方太太發展這段關係,她直言亦屬自私,如彼此知道大家的存在,而兩段關係仍然能共存,便是最理想的結果,「但我知道而家嘅風氣,唔會畀呢件事發生。」

「我唔會打算同佢結婚,只係想同佢有一個長期咁親密嘅關係......只要你唔傷害佢,好清楚自己角色係咩,我就覺得可以。」愛情萌芽時,她亦一度掙扎會影響男方生活,但後來雙方討論角色、時間分配,發現「對大家生活影響唔係太大」。「我覺得一段關係坦誠好重要,比起人哋點睇你更重要。」

不同身份對「坦誠」有不同芥蒂。假如換了角色,「坦誠」二字仍然鏗鏘?阿Y認為自己「接受得到」。「如果我係佢原本嘅另一半,我會想佢話我知,我想知你對對方(第三者)有咩諗法。」時光機器亦再也改不了她的決定。「如果有得由頭揀過,我都會同佢一齊。」語氣一貫的肯定、倔強。愛情既是浪漫,亦是偏執。浪漫到一起惹絕症。

建立家庭等於「一生一世」誓言

不過,無論單身男女還是情侶,均對阿Y的想法耍手擰頭。趙小姐直言「接受唔到」。「假設你唔切入佢生活都好,你始終會分走人哋嘅時間,甚至佢嘅錢、愛,都會分走埋。」她認為有如間接破壞男方原本的家庭。

馮小姐則指現時奉行一夫一妻制,當第三者這種思想應被摒棄,此舉對原本的另一半亦不公平。「你建立得一個家庭,就係一個誓言,代表一生一世。唔係話你做第三者錯晒,其實做老公嘅都有錯,但有時知道自己係第三者就好走啦!」

李先生以「意外」來形容第三者的出現,是因為原有的感情不牢固,才會令他人容易介入。而這種兩人或三人關係,要界定得非常清楚。「如果唔係,可能你而家未必會出事,但之後可能會有(意外)。到最後連朋友都無得做,咁就唔係幾好。」

長時間居於外地、目前單身的蕭先生則指「身體出軌就無事,心出軌就唔得喇!」更分享自己亦有相似經歷。由於當時女朋友不是居於香港,他有時回港也會「玩玩」。「有時咪去揼下骨,『食』下其他女咁,好正常啫!(當時女朋友知唔知?)梗係唔知啦!」強調「性」有如吃飯,人人都需要,但應該「感情還感情」。

翻查資料,於16/17年度,明愛向晴軒「婚外情問題支援服務」共接獲1,966個求助電話。來電者當中有72%均是外遇者配偶,23%為外遇者,最少的是第三者,只有5%。來電者年齡主要介乎30至40歲,佔整體四成。出現婚外情問題的夫婦當中,以新婚及年青夫婦最嚴重,婚齡0至5年的佔近三成。

編輯推介

強姦新上任印傭年輕父親判囚10年 官斥一家均自覺比女外傭優越

【移交逃犯】或現政治搜捕漏洞 工聯會轟危言聳聽:內地依法治國!

【全禁電子煙】最高罰5萬囚半年!禁賣不禁食 禁煙區內沒收煙槍

內地女遊客馬路旁遭城巴輾斷腳掌 車長認危駕判監11個月

10萬蚊 100人分!
星期一至五晚上10點半
《動腦Q》Let's Q the money!
http://bit.ly/2QW8LcI

【情人節】愛。在ENGINE中找你 【提提你】情人節做咩好? 【情人節●冷知識】史上最凍6.2°C 闊別逾世紀的嚴寒 【李八方online】情人節譚文豪心思思另一個女人? 鄺俊宇扮單身狗? 情人節單身狗營銷 食肆推贈興套餐搶客 【消委會】畀2萬入會交友無下文 單身港女遭再索2.5萬影靚相 【Chill人生活】情人節港男送鞋易出事?愛情專家教路送禮Last Minute 【情人節】關先生:「老婆用嚟錫嘅 送紮花好應該」 【廝守之道】共慶第75個情人節 95歲夫妻:愛就像騎雙人單車 【情人節】愛侶關係惡劣仍不分手? 專家:勉強維繫傷害更深 【情人節】英一鎊店賣「心形空氣」 環團轟製造多餘塑膠垃圾 【日女起革命】情人節不再送朱古力給男同事 日女挑戰傳統愛自己 【情人節】網傳男神今公開戀情 胡歌、李易鋒再被點名 【情人節】「玫瑰白菜」睇得又食得 網民:我缺的是玫瑰嗎?我缺的是... 【情人節】日本13對同性伴侶控告政府 爭取同性婚姻合法化 【情人節】「單身經濟」崛起 無家庭壓力使錢滿足自己 【情人節】夜逛南投燈會 百萬顆燈飾好浪漫 【廣告經綸】情人節=感性消費?(文迪晞) 【馬圈情人節】勇敢系馬主靚太 鮑魚龍蝦芒果撈起晒! 【情人節三料娛樂】羅富全53歲生日 突然勁多人同佢慶祝 【李八方online】鼓吹談戀愛?浸大搞「藉著午餐說愛你」活動A0單身狗一齊玩
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載