› 選擇地區
三藩市
紐約
洛杉磯
其他美國地區
香港 台灣 北美
 
2019年02月04日

【流感肆虐●醫護大控訴】HA大酒樓(前東區醫院醫生)

《蘋果》製圖(資料圖片)
最後更新: 0204 18:05 / 建立時間 (HKT): 0204 00:08

前排有個friend頂咗間酒家嚟做,經營模式好特別——政府每年畀嚿錢佢,佢間酒樓就提供廉價餐畀街坊。

相關新聞:【流感肆虐●醫護大控訴】病房電視機底加2床 擠逼到急救唔到病人(伊院護士)

今日上去食飯,間嘢好大,坐到滿晒,但得幾個樓面,咁啱有個夥計落錯單,畀個食客用個茶盅兜頭扑落去……

「你夥記咁少,啲客咁多,咪好易做錯嘢囉?」我問。

相關新聞:【流感肆虐●醫護大控訴】Patient care變Paper care 淪填表機器(明愛護士)

「忙呢,就並唔係藉口嚟嘅。」昌少呷一口茶。

「我哋已經檢討過,而家落單我哋都要兩個樓面cross-check,再搵部長counter-sign。廚房開鑊,要time-out兩次,briefing一次。上菜,要對埋Barcode。務求三核五對,唔得,就四核六對,五核七對,對到唔錯為止。」

「班夥計落單都落唔切,邊有時間對呀?」我納悶。

「唔理,總之有guidelines唔跟,出事就佢哋錯。反正食客等得耐,要complain都係嘈佢哋樓面,畀人用茶盅扑嗰個又唔係我。」

「遲吓呢,我哋仲會提高服務承諾,將上菜輪候時間縮短至10分鐘,仲會拓展業務,吸引內地食客。」昌少脫下眼鏡,擦了擦。

「大陸啲客成日食霸王餐個喎...」我倒抽一口涼氣:「咁係咪會請多啲人?」

「所以話你忠忠直直,終須乞食。政府請我,就係要我諗辦法用最少錢餵飽所有街坊。我哋係用緊私營嘅Budget提供公營服務。請人,Are u kidding me ?」

「只要間酒樓一日仲運作到,我份糧就袋袋平安。」

「啲客越來越多,人又唔請,人工又唔加,仲要加快上菜速度,你都算PK喇...」

「要minimize成本,就要請最少嘅人,maximize佢哋嘅workload同效率,不斷測試佢哋嘅底線嘛。」

昌少愈來愈似成功生意人了。

「唔怕啲夥計劈炮?」我問。

「驚?班夥計怕餓親班街坊,唔敢罷工,我有咩驚?」佢點一口煙:「遲吓我哋會搞中港飲食學歷互認,大把樓面廚房專才落嚟,頂爛個市,你唔做大把人做。」昌少哈哈大笑起來。

「話時話,你間酒樓個名咁特別,同Hospital Authority有關係?」

「哦?HA意思係Hi Auntie咁解呀,自己上高登check吓個名點解啦!」

昌少滿面春風。「嚟!我哋飲杯!」

撰文:跳了船的東區內科醫生

有「怨」無路訴,誠邀公院醫護投稿、投片、投相嚟《蘋果》電郵 ,等全港市民一齊撐你哋!

10萬蚊 30人分! 《動腦Q》新春Q多寶
年三十至初三 3:15pm、10:30pm
豬年動腦,Q多啲money!
http://bit.ly/2QW8LcI

【流感肆虐●醫護大控訴】病房電視機底加2床 擠逼到急救唔到病人(伊院護士) 【流感肆虐●醫護大控訴】Patient care變Paper care 淪填表機器(明愛護士) 【流感肆虐●醫護大控訴】病房設施大倒退 新床不能插電(伊院護士) 【流感肆虐●醫護大控訴】流感年年「復發」逼爆醫院 醫管局「4宗罪」(公院醫生) 【流感肆虐●醫護大控訴】醫管局管理層應重上前線助提高士氣(護士劉凱文) 【流感肆虐●醫護大控訴】流感高峯期公院年年逼爆歸咎三大問題(公院醫護) 【流感肆虐●醫護大控訴】病人拒出院 要求編配公屋(公院醫生) 【流感肆虐●醫護大控訴】公立醫院=等待和惡劣環境嗎?(外科醫生梁婉儀) 【流感肆虐●醫護大控訴】醫護本是同船渡(急症室醫生王思啟) 【流感肆虐●醫護大控訴】對輸入海外醫生問題之愚見(公立醫院專科醫生) 【流感肆虐●醫護大控訴】兩個令人質疑的海外醫生質素(公立醫院醫生) 【流感肆虐●醫護大控訴】病房文員之苦(公立醫院病房文員) 【公院亂局●醫護大控訴】公院新丁護士流失真相(公立醫院護士) 【公院亂局●醫護大控訴】特別超時津貼計劃形同虛設(公立醫院護士) 【公院亂局●醫護大控訴】長者佔用公院資源?你們不知道的事實(公立醫院醫生) 【公院亂局●醫護大控訴】文員嘆如食物鏈最底層 不斷加「辛」(公院文員) 【公院亂局●醫護大控訴】那夜凌晨急症病房內來自海外的醫生(公院前線醫生) 【公院亂局●醫護大控訴】加薪8% 啲錢去咗邊?(公院前線員工) 【即時文摘】醫委會自私無良(左丁山) 【即時文摘】肥馬變Fit馬(左丁山) 【即時文摘】海外醫生免試(左丁山) 【即時文摘】醫生聲音(左丁山) 【公院亂局●醫護大控訴】海外醫生方案誰在背後處處留難(公院前線醫生) 【公院亂局●醫護大控訴】請給我豁免執業試的理據(公院前線醫生) 【公院亂局●醫護大控訴】想問張宇人的一條問題 【公院亂局●醫護大控訴】做爆?不如鬧爆!醫護困境你肯講我肯聽!
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載