蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年12月07日
馬上成為壹會員

「任何仁」幕後功臣唔怕被惡搞 真人真事啟發救人一命等於救全家

最後更新: 1207 19:10 / 建立時間 (HKT): 1207 13:29

【新增動新聞】
「左手、右手、直手擺喺心口」消防處早前推出短片洗腦歌,宣傳心肺復甦法(CPR)及自動體外心臟去顫器(AED機),片中出現的角色「任何仁」成功吸引市民眼球。創作「任何仁」的「主腦」消防處署理救護監督(新界西南)周詠賢表示,市民反應是出乎意料的好,令他感到意外,又指構思「任何仁」花了數個月時間,最初是宣傳CPR和AED機課程的卡通人物,「睇咗唔同種類卡通公仔,但由於技術唔太專業,就用簡單線條,一個人頭加兩隻手同腳」,稱當時沒有想會由真人扮演和拍片。

數月前,由他首次執導的創作短片出街後,點擊率不斷上升。他指,明白到若教條式向公眾教育CPR未必入腦,因此以一個「估你唔到、接地氣」方式呈現,又指最初向管理層介紹時有點擔心,「部門管理層完全放任我,表示絕對支持,反而鼓勵埋我,老實講創作係部門有胸襟包容好難得」,又指短片大部份演員都是部門同事,感激他們對教育公眾的熱誠和支持。

被問到「任何仁」出街後一度傳來「死訊」,他稱自己沒有聽聞,短片出街前亦給予管理層觀賞,「基本上都冇唔滿意,反而係自己有啲地方唔滿意」。對於有部網民惡搞和負評「任何仁」,他指不會因批評而不開心,不同人有不同想法。

他指拍攝「擊活人心」短片三部曲中,首支短片的歌曲更由他創作,「左手、右手、直手擺喺心口,個首我係唱一次畀屋企小朋友聽,之後佢竟然識唱返出嚟,我先敢擺落去」。但他個人特別喜愛「星如篇」,因內容取材自一、兩年的真人真事。當時有一名父親在做運動期間心臟病病發,幸而有人即場為他進行CPR,終於救回一命。他說:「如果唔係有人伸出援手,可能見唔到佢幾個月大BB同照顧太太,仲有個60幾歲爸爸」,這件事令他明白到「出去救人唔係救一個人,係一個家庭」。

救護監督(社區應急準備)吳宛茵表示,短片出街的確多了很多人報名上堂,早前的公眾教育講座亦吸引近300人來,「擊活人心課程每日都收到電話」;又指社區應急準備課程主打「識滅火、識救人、識求生」,強調市民有意識自救、冷靜逃生都很重要。

對於未來宣傳策略,她指會視乎訊息內容,「會加入更多元素,有冇其他服飾,都係將焦點放係公眾,咩方式都會試,請大家到時拭目以待」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載