› 選擇地區
三藩市
紐約
洛杉磯
其他美國地區
香港 台灣 北美
 
2018年12月07日

【九西補選】劉小麗沉澱冀再打拼:民主運動唔應該同參選劃上等號

朱家駿攝(蘋果日報)
建立時間 (HKT): 1207 00:01

原屬九西補選民主派正選的劉小麗,未因被政府DQ放軟手腳,補選其間試過以長跑等方式為李卓人助選,劉坦言這段期間長期焦慮,罕有地經常發惡夢;而因為長時間嗌咪,受訪時仍喉嚨不適,她指未來數月或休息沉澱,冀重新思考及整理人生,但相信未來在民主運動上續有角色,亦一定會就政府DQ其參加九西補選進行選舉呈請,目前正與律師商討。

相關新聞:【九西補選】民主派敗選感心痛 劉小麗欲泛民求同存異:無謂歸咎別人

劉小麗在補選結束後一星期後接受《蘋果》訪問,坦言至今對民主派敗選感到難受,而選前未詳細思考個人去向,相信之後會用數個月時間休息沉澱,重新整理人生:「除咗返去教書,賺返啲生活費外,會唔會喺民間做到一啲有建設性嘅嘢呢?呢條長遠嘅民主道路,邊幾個係重要嘅戰場,我哋可以鞏固呢?」她稱整理思緒後可與圈內友好進行集思會討論,「咁樣比較容易睇到時局(可以)點處理」。

劉小麗深明民主運動從來是長跑,「無人會覺得民主運動只係兩、三年就搞掂,韓國爭取民主要幾十年,台灣當年都用好多犧牲去做,爭取民主要有堅定啲意志,今日我哋的確面對好大逆境,但係咪我哋就係一個死局、係咪要放棄?我覺得拉長啲、拉遠啲去睇,其實睇到嘅嘢會唔同,民主嘅道路唔係只得議會」。至於未來會否仍在民主運動打拼?劉小麗相信不會從此在香港民主運動無角色,「現時係一個相對灰暗嘅時代,需要更多人投入,民主運動唔應該同參選劃上等號」。

記者 林俊謙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載