› 選擇地區
三藩市
紐約
洛杉磯
其他美國地區
香港 台灣 北美
 
2018年12月07日

【九西補選】民主派敗選感心痛 劉小麗欲泛民求同存異:無謂歸咎別人

建立時間 (HKT): 1207 00:01

原希望參選重奪被政府DQ的議席,卻遭政府DQ參選資格;力撐民主派代表李卓人參選,Plan B卻敗於建制派手下。劉小麗坦言對補選結果感心痛,但未對香港人失望,否則「對唔住」支持民主派的9萬多票:「其實好多人無出嚟投票,有佢好理性嘅原因,或者有佢自己嘅故事,唔能夠話唔投票嗰啲就係唔支持民主」,她認為敗選責任「無謂歸咎個別嘅人」,認為民主派未來必須作更好整合,亦要游說不同光譜的選民求同存異。

相關新聞:【九西補選】劉小麗沉澱冀再打拼:民主運動唔應該同參選劃上等號

記者 林俊謙

補選其間為李卓人助選的劉小麗,選後一周後在立法會附近的餐廳接受《蘋果》訪問,她指至今對民主派無法取回議會關鍵一席感到心痛,「民主派攞唔返呢一席,今日嘅建制派更加張牙舞爪,連朱凱廸都話要去追殺」,她透露開票當晚得悉民主派再落敗時,「我喺屋企都喊咗一場,先去點票中心」。

劉小麗指不少巿民也稱對補選結果感灰心,但她不會對港人失望,否則就對不起投票支持李卓人的9萬多位市民,她認為民主派應去理解為何有選民不投票。她不諱言對李卓人在公屋區得票較姚松炎更低感到「好諷刺」,因為李過去一向力撐基層:「我哋都預計過,中、高收入巿民未必好喜歡佢,但佢係一個撐基層、有政績、有實踐,真係改善過民生嘅人,點解基層好似唔知道,唔感覺到呢?」

劉小麗認為這除與建制派透過耳語系統成功在社區抹黑李卓人有關,民主派亦有改進空間,「會唔會我哋(民主派)要重新搵一啲貼地、無論政治以至民生,巿民都認同嘅議題,努力一齊去推動呢?要畀巿民見到(民主派)呢班人真係同一班人」。

劉小麗指不少選民今次放棄投票,除因對政府不斷DQ民主派參選人,亦反映民主派日常工作須作更強整合,「喺比例代表制下,要去諗最共通嘅形象同議題都唔容易,但(民主派)要有決心去做」,她認為民主派要游說不同光譜選民理解大家的不同,求同存異,「呢個過程唔容易發生,亦需要時間,但係絕對需要做」。

對於民主派敗選後,有聲音將責任歸咎於不同人士如前青年新政成員、黃埔區議員鄺葆賢等,劉認為民主派「無謂歸咎個別嘅人」,因民主派政治光譜極闊,「每個人做嘢嘅最佳手法都有唔同,我哋睇唔到,唔代表人哋無做,又何必質疑?」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載