› 選擇地區
三藩市
紐約
洛杉磯
其他美國地區
香港 台灣 北美
 
2018年11月27日

【蘋果有禮】成功爭取《入樽》Poster隨報送 Fans好激動!

最後更新: 1127 16:17 / 建立時間 (HKT): 1127 16:00

香港人成功爭取!

相關新聞:【蘋果有禮】《男兒當入樽》新裝再編 井上雄彥親繪櫻木花道海報 周三隨報送

今日香港,好多嘢唔係咁易爭取到,好彩,一班《男兒當入樽》迷可以滿足願望,因為大家期待已久的入樽海報,真係俾香港《蘋果》成功爭取。

當日《蘋果》同事見到先係日本,繼而台灣,兩地報紙都有精美《男兒當入樽》海報,自然希望香港都可以做到。於是就開始斡旋,希望願望成真。

最後幾經辛苦,終於獲井上雄彥老師肯首,亦都得天下嘅贊助及同意,才能成事。由於井上老師非常嚴格,所以海報變動空間不多,最後都與台蘋一樣,用上新裝再編版的第九期封面。呢一幕,正正係櫻木花道正面挑戰牧紳一的畫面,所以大家再三商量,都決定沿用最符合畫面嘅「我要超越神奈川No.1」呢一句,雖然對白一樣,但就作出少許變動,希望令香港fans都睇到,儲齊一套嘛!

其實,本來海報係會有不同的,就係可以出埋牧紳一,即係同第九期封面一樣,但點睇氣勢都會爭少少,所以都係維持原判,就俾主角天才櫻木,一個人大頭啦!

其實香港人亦好支持《入樽》,因為據知頭兩輯(湘北篇第1至6卷、縣大會前編第7至10卷)銷量都已逾10萬冊,睇怕12月同1月出埋最後兩輯,會再創新高。以一套在港推出過數次的漫畫來講,實在係勁,亦不愧為在日本銷量過億的神作。

之前不少朋友都話,假如香港真係有海報,就會買十份八份,咁大家就記住,星期三早啲落街,有買趁手。話時話,就算海報同對白一樣,但我哋香港《蘋果》嘅海報都有不同,大家記住細心睇真啦。

- 仙道彬

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載