蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月25日
馬上成為壹會員

【侍產假】否認曾說「一日都唔應該畀」 張宇人:多謝張文采創造soundbite

最後更新: 1025 19:24 / 建立時間 (HKT): 1025 13:13

【新增動新聞】
立法會今早繼續討論法定侍產假增至5日,早前被指於電視台節目中爆出一句「侍產假一日都唔應該畀」的自由黨飲界食代表張宇人,今日發言時稱反對將侍產假增至7日的修正案,而因為身為行會成員,要遵守集體負責制,所以支持增至5日的原議案。他發言時更澄清自己從來沒有說過「侍產假一日都唔應該畀」,指只是傳媒創造的soundbite。

相關新聞:【侍產假】準媽媽容海恩撐加日數 減少男士患產後抑鬱症

張宇人今天解釋指:「呢句說話(「侍產假一日都唔應該畀」),正式嚟講,係無綫電視時事節目《新聞透視》主持都係姓張,叫張文采,不過佢好樣過我好多,該節目透過剪接,喺我說話嘅中間,加入張文采嘅聲音,話我話『一日都唔應該畀』,跟住到現在,好多報章都引用咗呢句,話我講咗呢說話。」

他指要向張文采「致謝」:「好多謝張小姐創造一個令人好易入耳嘅soundbite,好老實,呢個唔係我嘅專長,但好抱歉,呢句唔係我創造出嚟,呢句係張文采小姐(講出來)。我其實無睇過呢個節目……用幾個字概括咗我十幾分鐘嘅訪問,令人忽略嘅呢個前文後理。」

相關新聞:5日侍產假獲三讀通過 孕婦容海恩投反對票阻增至7日(附點票結果)

他續指,當日節目中曾經說過「三日(侍產假)應該止步」,但可惜無人留意,證明其實沒有甚麼人看過此節目,更指傳媒但求「過癮」不看前文後理便引述別人的話,批評媒體總是喜歡用較容易觸動神經的話語,加上其「廿蚊張」江湖稱號的說話「幾賣得吓報紙」,坦言對自己能幫助媒介賣紙,「感覺對新聞自由都有啲貢獻。」

有關節目在8月4日無綫電視播出,翻看節目片段,當時播出了張宇人的直述句:「你以為7日佢哋(勞工界)會收手嗎?7日就有14日,14日就有1個月、有1年,跟住就鬧你啲僱主無良,不停咁罵,佢哋永無止境嘅苛索,佢哋不會停喺一個位度」,旁白的張文采其後指「張宇人認為,侍產假一日都唔應該畀」。有關言論其後被傳媒轉載,但張宇人從未作澄清。

張宇人席間並指,飲食界不主張一刀切立法強制僱主要提供福利,因為這會增加中小微企的負擔,將不支持增加侍產假的僱主標籤為無良,做法不公:「呢個唔係有良定無良嘅問題,而係有能力或者無能力嘅問題。」他指有能力的僱主在沒有法例下也會提供侍產假,毋須以法例強制執行,又指香港失業率低,人手短缺,聘請替工並不容易,特別是中小微企,若在此難難時刻要增加他們的負擔,會令業界相當失望,直言飲食界和中小微企因人手不足,故不支持今次增加侍產假。

他並重提當日指增加最低工資產生漣漪效應,連帶其他工資水平都被拉高,而今日增加5日侍產假,也會令原本提供5天侍產假的公司失去吸引力,變相剝削他們提供更佳福利和吸引人材的機會,同時進一步削弱中小微企的競爭力,難與大企業競爭,認為業界最擔心是侍產會成為最低工資的「翻版」,「打開缺口」後隨時三年加一次,甚至變成一年加一次,不斷遞增,「成為佢哋爭取政治本錢嘅機會」、「工會嘅索價向來都係有增無減」。

其後他更發炮指,其他人如議員、工會、傳媒等批評他涼薄、無良時,應反問自己究竟又向員工提供什麼福利,「你(議員)今時今日啲助理(立法會議員助理),你畀乜嘢待遇佢呀?你侍產假畀乜嘢待遇佢呀?畀52個禮拜佢呀?佢嘅產假係咪畀52個禮拜佢呀?嗰啲錢唔係你嘅錢,係立法會嘅錢,你會唔會畀呀?你會唔會比我衰?涼薄過我幾倍吖?所以批評人時,攞番鏡照吓自己。」他批評不是僱主的人經常指指罵罵,「去僱主打荷包,做闊佬。」

議會陣線朱凱廸發言時則引述報章《頭條日報》曾經報道,指張宇人表明不會收回「侍產假一日都唔應該有」言論,故朱凱廸要求張宇人澄清,為何既然張否認說過、稱沒有講過有關言論,為何這份建制派報章指張「不會收回有關言論」?

立會補選新聞,《蘋果》一網睇晒
http://bit.ly/appledaily1125

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載