› 選擇地區
三藩市
紐約
洛杉磯
其他美國地區
香港 台灣 北美
 
2018年09月25日

【李八方online】國家安全好緊要?楊繼昌搞白宮聯署 倡禁建制派入境美國

楊繼昌就喺噚日於美國白宮網站發起聯署,呼籲禁止建制派政黨入境美國。(互聯網)
建立時間 (HKT): 0925 13:30

港府噚日以保護國家安全之名,出手封殺香港民族黨,北京同親建制陣營當然一齊出晒台,齊聲大合唱讚好。咁國家安全呢樣嘢,唔係中共獨享,其他國家都好重視啩,香港民主進步黨主席楊繼昌就喺噚日於美國白宮網站發起聯署,話喺中美貿易戰關頭,美國為咗維護其「國家安全」,應該留意香港親北京人士喺當地嘅活動,呼籲禁止建制派政黨入境美國,似乎唔驚同陳浩天一樣被當局追殺喎。

相關新聞:【封殺港獨】譚耀宗指再講如同包庇或同情 應本屆完成23條立法

其實楊繼昌喺文中,完全冇提及民族黨件事㗎,但睇真啲或者會領略到,以國家安全之義出師,咪就同港府禁止民族黨運作有異曲同工之妙囉!講到維護國家安全喎,可能建制派都唔知點反駁啊!

楊繼昌話民建聯、工聯會、經民聯等都完全係受中聯辦指揮,間接上算係隸屬中國政府嘅屬員,若果喺貿易戰敏感時刻入境美國,「不排除他們是為中國政府進行間諜活動」,提議禁止佢哋入境美國,仲話「且看中國政府會否為香港末端的屬員入境美國的問題提升為外交事件」,否則可以進一步公布同凍結建制派在美資產,將入境禁令延伸至前特首董建華、梁振英等前特區高官身上。連CY都提埋,唔知喺「民族大義」面前,會唔會又引起一場鍵盤大戰?

相關新聞:【封殺港獨】不滿美國為民族黨護航 外交部駐港公署又開腔


立會補選新聞,《蘋果》一網睇晒
http://bit.ly/appledaily1125

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載