› 選擇地區
三藩市
紐約
洛杉磯
其他美國地區
香港 台灣 北美
 
2018年09月13日

【李八方online】陳沛然暗寸陳凱欣特權打尖:不如畀錢睇私家醫生

立法會議員陳沛然今日寫Blog暗寸前政治助理陳凱欣涉濫權事件。(資料圖片)
建立時間 (HKT): 0913 20:27

盛傳有意參與九西補選嘅食物及衞生局前政治助理陳凱欣(又名陳健康),早前被爆在任期間涉濫權,用政助身份安排正喺急症室輪候診症嘅電視台記者「打尖」見醫生。醫學界立法會議員陳沛然今日就寫Blog暗寸事件,話醫院工作時不時會有「膊頭黨、特權人、VIP、邊個嘅邊個」要求打尖睇醫生,佢批評依啲人令繁忙嘅醫務工作百上加斤,仲話要特別安排就不如自己畀錢去私家醫院睇醫生,都聽得出陳醫生因爲依啲事好火滾。

相關新聞:【九西補選】初選起爭議劉小麗晤馮檢基籲支持 暫未獲答覆

陳沛然醫生今日以《公事公辦,以身作則 》為題寫Blog,話外父最近去公立醫院做手術,但佢作為醫學界議員都唔敢「向醫院傳達求助」,即使外父手術後有傷口發炎而多住了幾日,佢同太太都「沒有半點聲音」,因為佢知道「己所不欲,勿施於人」。

陳醫生話,平時喺醫院工作,知道醫生護士都會遇過「膊頭黨、特權人、VIP、邊個嘅邊個」,更有議員、政黨會放低卡片、醫生護士收到電話,都會令醫護工作百上加斤、令醫護人員感到壓力。佢批評,高層或社會知名人士唔應該接受其他人「給予方便」,主動施加壓力就更加唔應該。如果要特別安排,陳醫生就話,唔好運用權力,畀錢去私家服務就可以。

相關新聞:【九西補選】陳凱欣不健康了!自稱「中立」支持23條

雖然陳醫生整篇文都無提過陳凱欣,但文中所指既「打尖」、「醫生收電話」、「高層施加壓力」所指嘅係邊個都真係昭然若揭,陳醫生今次都算為業界講出一番正義之聲喇!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載