› 選擇地區
三藩市
紐約
洛杉磯
其他美國地區
香港 台灣 北美
 
2018年08月26日

【聽我講...】是咁的 我嘅職業係幫人寫遺書

建立時間 (HKT): 0826 21:00

學生自殺潮、女歌手輕生,無不令人痛心,筆名「做金庸的男人」的年輕網絡作家劉晡照(金仔),新近走出文字框框,在零資金下網上號召組成製作團隊,借單親母女尋代寫遺書服務的故事,改篇成微電影免費放上網,道出自殺者背後的心聲。「當初寫呢個故事,係見到網上好多肆意批評嘅人」。自殺的都是廢青?求死只因抗逆力太差?與其筆戰,不如借故事打動人心。團隊計劃趁下月開學,與社工走進校園和社區,藉光影鼓勵活著,與年輕人一同抗逆:「每個人逐少去做,或者就可以改變些少。」

相關新聞:【聽我講...】網絡泥漿戰 造就故事之王

記者 呂麗嬋

相約製作團隊成員接受訪問前,發生了盧凱彤墜樓悲劇,全城哀鳴。「每次睇到呢啲新聞,都好唔開心」。低氣壓的香港,太多憤怒和絕望,年輕人總活得不快樂,金仔感嘆。好在,自小熱愛寫作,善感的他找到情感宣泄的窗口,大三那年,他就以筆名在討論區連載小說《是咁的我嘅職業係幫人寫遺書》,借「另類寫信佬」帶出不同自殺者背後的故事,獲出版社青睞出書,小說更獲金閱獎最佳文史哲書,成功由網絡殺出現實世界。

無心插柳下圓作家夢,這個矢志以金庸為目標的大男孩,直言創作緣自前年的學生自殺潮,希望透過故事論生死談救贖,告訴自殺者生命中還有許多值得珍惜;亦讓批評者反思,不要作二次傷害。「每逢自殺新聞,除咗最多RIP,一定有人喺網上留言大肆批評,其實單憑新聞幾句,你點知背後故事?」網絡判官無處不在,討厭筆戰但又不吐不快,他想到不如創作故事。「你喺網度作任何回應,都唔會打到入對方嘅心,我希望將想講嘅,都放喺故事入面」。

現職電影編劇,去年浸大歷史系畢業的他,不諱言一直迷戀故事的力量。「我讀歷史出身,老師都係用故事講歷史,等於你細個聽寓言故事學到教訓」。只是以遺書為創作起點,暗黑陰沉,但劉深信去到絕望的盡頭,就有希望。「我看事物嘅角度,其實幾灰沉,預咗徒勞無功,從呢個角度睇,又唔係咁差...如果太樂觀,一遇呢個世界未如想像,就會好失望」。他說:「唔係話我嘅故事可根治到自殺,但每個人逐少去做,就可以改變些少」。

由文字到映像,他說是新嘗試,在他眼中,不同平台說到底都是載體,達者為先。「未寫小說時,有啲睇法想感染身邊朋友親人,到自己寫小說,就想接觸多啲讀者,依家拍微電影,係希望透過映像,接觸讀者以外更多嘅觀眾,畢竟映像有畫面同聲音,感官刺激更大,確實可接觸更多不同嘅受眾」。只是寫作可單打獨鬥,拍電影就涉團隊合作,自言是映像初哥的他,首次自編自導甚至客串大茄幕前演出,雖只20分鐘的微電影習作,一樣得嚴陣以待。「寫作好個人,鍾意點寫就點寫,拍電影就唔同,要與不同人合作,有時意見唔同,但大家都係為件事好,所以合作得好開心,好似好多個大腦喺度一齊諗」。

熱衷社區工作的區潔怡,就是金仔其中一個仗義助拳的大腦。「機緣巧合睇咗個故仔,又知道金仔想將故事改編成微電影,覺得好有意思,好想件事做得成」。沒資源沒班底,做過市場推廣的小妮子,就透過網絡和人脈,號召有心人組成攝製隊,希望為低氣壓的社會,帶來一點希望。「正因為冇錢,大家都冇利益因素吸引,所以反而唔介意行多步,好似最初搵唔到酒樓場地,多得有演員主動搵人幫手,如果係商業製作,根本唔係佢份內嘅工作」。

資金不足下完成,一點也不易,就是戲內的校服,區說都是拍膊頭「眾籌」得來。眾志成城,由最初只單純希望拍段片放上網,引發關注,到完成後社區公映2場全爆滿,區謂看到觀眾的反應,再辛苦都值得。「每逢9月開學,都係學生壓力最大嘅時間,希望電影可以帶出訊息,話俾佢哋聽佢哋唔係孤獨,身邊仲有好多人理解同支持佢哋」。她透露正聯繫社會機構,希望開學後舉辦放映會和講座,走進學校和社區,與年輕人一齊正視問題。

除了區潔怡,響應號召熱心助拳的,還有年輕演員趙詩蕊,過去多拍開心題材的小妮子,首次擔綱被欺凌的角色。「我都係單親家庭長大,特別感同身受」。小三時因媽媽要工作養家,一度被送往寄宿學校:「覺得被同學孤立,好唔開心,試過飲沐浴露自殺…好在被老師發現救番。」升中後與媽媽團聚,情況才好轉,小妮子說希望其他受困的年輕人,也可以和她以及電影內的女孩一樣,最終走出幽谷。有興趣的讀者,可上YouTube 觀看有關微電影。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載