蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月05日

嫌打工仔多要求 廿蚊張︰侍產假一日都唔應該有!

148,461
最後更新: 0805 19:09 / 建立時間 (HKT): 0805 12:09

【新增動新聞】
政府早前刊憲建議將法定男士侍產假由3天增至5天,其間僱員獲取五分之四薪酬,工黨立法會議員張超雄提出將修訂侍產假進一步增至7天,但政府企硬,男士侍產假5天的法案或要明年初才可實施。不過,無綫的《新聞透視》節目中,行會成員、自由黨主席兼議員張宇人直指「侍產假一日都不應該有」,更炮轟勞工界,「你以為7日佢哋會收手嗎?7日就有14日,14日就有1個月、有1年,跟住就鬧你啲僱主無良,不停咁罵,佢哋永無止境嘅苛索,佢哋不會停喺一個位度」。

相關新聞:張宇人言論頻惹火 職工盟:漠視永無止境刻薄勞工實況

快將69歲的張宇人在節目中以其年輕時為例,「以前我哋冇侍產假又點呢?以前我哋老婆冇產假又點呢?」他指之前當局提出3天男士侍產假,他也反對,「好多人都鬧我無良」。他明言自己已經生了小孩,其女兒、媳婦也生了,「你可以話我都享受唔到,當然乜都反對」。他認為侍產假可令員工投入工作、提高生產力之說,並不正確,批評有關說法只是高談闊論的理論,「如果真係可以提高生產力,佢哋(投資者、管理階層)唔同唔會去做咩?」

代表飲食界的張宇人更揚言,飲食業有數十個工種,如大廚和總廚有侍產假的話,「我點請人頂佢哋個位?」被問及侍產假是否5日應止步,張宇人強調3日已應止步,反問支持增加侍產假的人士:「你夠膽嘅就嚟開食肆,用晒你嘅標準,無論工時、工資咩假期好,全部擺晒入去,你賺到錢嘅話你同我講。」

環顧世界各地,芬蘭設有18天侍產假,新加坡亦有14天,英國則有一至兩周。曾任立法局、市政局、區議會「三料議員」的莫應帆,在節目中反駁張宇人與時代脫節,「你(張宇人)個腦筋都唔係跟時代去轉,仍然講返佢做老豆嗰個時候,落唔落後啲呀?講得難聽一啲,相隔一條深圳河嘅中國大陸都進步咗,都有侍產假啦,我哋成日覺得落後嘅都進步咗」。莫應帆早於97年已提出7天男士侍產假私人草案,但未能成功。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載