蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年07月30日

【動漫節】Coser被指無公德心 網民鬧「蝗」過唔過份?

15,405
最後更新: 0730 22:12 / 建立時間 (HKT): 0730 17:21

【新增動新聞】
香港動漫節吸引大量Cosplayer(角色扮演者)悉心打扮,在1樓會場遊走拍照,在3樓E禮堂位置換裝變身。今早有人在該界別的集中營facebook專頁ACG Secrets.HK上投稿,指斥「Coser跟(根)本同蝗蟲無分別,我係X緊所有有份坐在3E場的人」。《蘋果》記者今中午進場觀察,不少人都在場內化妝、修剪假髮、進食外賣品。

相關新聞:【動漫節】着足5日唔洗衫?「福爾摩斯」認大褸西褲趕唔切洗

Cosplayer黑月連續2日到場,暫未感現場「太污糟」,但確實現場有見到「Wig(假髮)碎」。她認為盡公德心人人有責,自己都會在家中修剪好假髮,若見到朋友弄污會場,都會請他們先行清理。她坦言,「公德心呢樣嘢唔係話人哋做我先做,大家一齊做咁會更好」。她又建議,部份人在網上留言似有心指斥別人,她認為應將心比己,「你自己(批評人士)有無做過呢啲行為」,若意見屬針對,對不知情的外界人士來說,會令Cosplay界聲譽變差。

Issac的角色都是頭戴假髮,他指自己不會在場內剪假髮,「自己執又麻煩,對個環境又唔好」,認為Cosplayer都想有乾淨環境交流。他連續4天都有到場,暫未見衛生情況惡劣,「我哋自己都希望個場靚啲,唔好再好似前幾年咁Coser俾人禁」。

相關新聞:【動漫節】展商紛減價最後衝刺 部分貨價明或更低

扮演機械人的小黑則指,在現場見到有人在用膠水黏裝甲、剪假髮等,「唔出奇嘅,都常見」,但因怕尷尬未會開口勸諭。他認為衛生情況今年已有改善,反而是大會在1樓位置則常驅趕Cosplayer,指有時僅停留數分鐘拍照都被趕走,明白大會關心通道暢通,但就稍有點不近人情。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載