蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年07月23日
馬上成為壹會員

【區會新區】觀塘石礦場爭位戰 民主黨與建制派「雙林」總幹事出征

袁志中攝(蘋果日報)
建立時間 (HKT): 0723 00:01

特區政府今日公布21個區議會新議席中,料包括公屋林立的觀塘安達臣道新選區。此新公屋選區早已吸引民主、建制兩派進駐。民主黨林冠存和建制派林瑋早在屋邨「預派」時已交鋒,各自走入這個石礦場,由居民尚未遷入率先「揼石仔」,直奔新議席。

相關新聞:【區會新區】民主派選區被拆分 馮驊否認考慮政治

記者 姚國雄

已入伙的安泰邨、安達邨料將劃出一個觀塘新區議會選區,勢成兵家必爭之地。石礦場上,服務人群也講專業、論職銜,林冠存是「民主黨九龍東安達臣總幹事」,林瑋則是「安泰居民會總幹事」。「雙林」總幹事是當區居民的「生神仙」,有求必應,有問必答。

相關新聞:【區會新區】踢爆劃界大陰謀 民主派票倉被鎅走

今年4月初,二人在安泰邨「預派」正面交鋒,一早到達這個偏遠之地,與尚未決定是否入住的市民建立關係。所謂「預派」,即讓獲派公屋的申請人到場觀看單位模型,決定是否接受獲分配的單位。

林冠存當時手持印上自己「嘜頭」的本區資料、工作報告和卡片,在人龍中一邊介紹自己、一邊解答問題,「因為居民嘅第一印象係好重要,冇咗呢個第一印象,進度會差好多...邊日有預派、派房,我都會喺度。」林冠存指相對建制派,民主派欠缺資源,既無受薪職員,且不能常派窩心小禮,惟靠深耕細作,例如爭取與官員會面講交通、在報章撰文為居民申冤:「我主要都要靠自己嘅街坊義工去幫手,所以開發新區,時間、人手相對係比較緊拙和劣勢,但做區最終都係講與街坊嘅聯繫。要贏都係要靠與街坊嘅脈絡,做一個社區領袖。」

年初3.11補選結束,民主派在公屋區遭建制派打個落花流水。林冠存承認在新公屋與街坊談政治,即遭批評,「喺新屋邨打政治議題,我都幾肯定係票房毒藥。平時我派單張講交通、配套,但有次我有一頁單張講反對23條,即刻就有幾個街坊嚟鬧我,話我哋搞搞震。」他認為要與街坊談講政治議題,也要與街坊先建立感情,否則難打開話匣子。

新公屋、新移民,一般感覺票投建制派,但林冠存指,其實新移民搞不清香港的政治團體:「佢哋會當咗民主黨係建制派,民建聯當咗做民主派...佢哋係識你個人,唔係識你個黨,只要你幫到佢哋做嘢,佢哋係唔會理你係泛民定建制。」他指,民主派要突圍,一定要在解決居民問題時,顯得較對手勤力和用心:「其實十張飛(選票),政治飛真係得兩三張。」

以安泰居民會「牌頭」迎戰的林瑋亦指,居民真的不會問他是民主派或是建制派,最重要是替他們解決問題。被指資源豐厚水喉足,林瑋指這得靠自己四出申請資源,與不同機構合作:「啲資源係我哋自己去收集。所謂資源,對我哋嚟講,無話多定少。」被問到建制派在新屋邨中,會否因為不用糾纏政治對錯而享有優勢?林瑋指,自己以服務為主,不談政治:「我唔會係喺政治議題上做太多嘅放大,因為政治無分對錯。我係幫街坊適應社區,唔係要爭取乜嘢政治理念,呢啲唔係我嘅諗法,民生先係最緊要。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載