› 選擇地區
三藩市
紐約
洛杉磯
其他美國地區
香港 台灣 北美
 
2018年07月01日

【李八方online】新鮮出爐太平紳士 新世界連中兩元壓新地

鄭裕彤外孫杜家駒(左)及鄭家純女婿龐建貽(右)獲委任為太平紳士。(資料圖片)
建立時間 (HKT): 0701 10:12

每年7.1除咗會公佈授勳名單,亦會有新一批嘅太平紳士出爐。八方睇過今次名單,富二三代其實真係較梁振英做特首年代少,專業人士都幾多,其中有兩位資深大狀都係林鄭之友,包括盛傳係林鄭律政司司長人選首選嘅譚允芝,以及加入咗娥班子做行會成員嘅湯家驊。曾經盛傳獲推薦做財爺嘅美國信安金融集團前高級副總裁兼亞洲區主席歐陽伯權都上榜喎。

相關新聞:【7.1升旗】睇完波都趕嚟睇 阿叔:最好少啲黃絲仔

至於發展商方面,唔會得個桔嘅,與新世界有關嘅至少有兩人,除咗鄭裕彤外孫杜家駒,亦有龐建貽(Paulo),Paulo除咗係鋼鐵大王龐鼎元嘅孫,亦係鄭家純嘅女婿,所以新世界可謂連中兩元。新鴻基方面就有佢哋嘅公共事務總監李鑾輝上榜,而李鑾輝喺林鄭競選特首時,係佢競選辦主要核心成員嚟㗎。

雖然話民主派金銀銅紫荊勳章零收穫,但喺太平紳士名單都有開明學者嘅身影,早前寫過一篇《民主派的前世今生》文章、喺社運同政界都熱傳嘅教育大學副校長呂大樂亦佔一席位,連同保齡球好手胡兆康等近40人齊齊做紳士。據《太平紳士條例》,太平紳士其中職能包括巡視監倉及羈押院所。

相關新聞:【7.1●酒會】煲呔伉儷冇得上台 林鄭:不容觸碰國家底線

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載