蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月28日
馬上成為壹會員

【豆腐沙中綫●專訪】中科轟行內有毒瘤亂投標 抬高造價政府埋單

潘焯鴻不點名批評工程界有公司以低價亂投標,但工程又經常延誤,要向港鐵或政府追錢。張志華攝(蘋果日報)
建立時間 (HKT): 0628 17:39

沙中綫鋼筋造假引起全城譁然,不少市民質疑香港的工程安全是否還值得信任。親眼目睹造假的中科興業負責人潘焯鴻接受《蘋果》時強調,工程界並非外界所想般黑暗,「完全唔係咁嘅,(事實)係好嚴嘅」,造假及剪鋼筋等亦不是常見的行為。

相關新聞:【豆腐沙中綫】中科高層現身稱親睹剪鋼筋:數量絕對唔止十幾支

潘焯鴻近日受訪時不點名指某間公司是工程界毒瘤,記者追問是否指控工程的承建商禮頓,潘稱「我咁講即刻俾人告啦」,又指現時明顯存在一個毒瘤,「我哋嘅理念係想移除呢個毒瘤,(將來)大家正規啲,咁唔好咩?」

潘表示,「某啲公司」習慣以低價投標,「亂咁搶標,趕走其他競爭者,但自己中咗(標)之後呢,工程唔知點解成日延誤,然後問政府或港鐵攞錢,跟住佢返轉頭賺錢,仲唔畀錢分判商,個個都受罪,同佢都係要抬副身家出嚟」。他希望工程界可團結應對這些公司,令整個業界將來更光彩。

相關新聞:【即時文摘】魔鬼在細節之中(古德明)

對於有消息指禮頓在事件中一直不合作,潘焯鴻強調,政府和港鐵絕對「唔係吹佢唔脹」,因為兩者都可將禮頓放入黑名單,以後禁止禮頓投標及拒絕與它有商業合作。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載