蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月28日
馬上成為壹會員

元秋唔鬧局長反轟中科高層 梁美芬打對台話尊重爆料人

最後更新: 0628 20:15 / 建立時間 (HKT): 0628 14:30

【新增短片】
立法會今日繼續討論由熱血公民議員鄭松泰引用《立法會(權力及特權)條例》(特權法),動議成立專責委員會調查港鐵沙中綫紅磡站擴建月台工程及相關事宜的議案。甚少就特權法發言的衛生服務界議員李國麟,今日會上表態支持鄭松泰動議,並向運房局局長陳帆直指:「局長其實你本身都應該被查,成個事件裏面,你係首當其衝,因為你係大股東之一裏面代表,過程唔知有無監察到?制度你係點做呢樣嘢?運房局係責無旁貸」,強調立法會並非政府附屬品,有責任引用特權法成立委員會調查事件。

相關新聞:【豆腐沙中綫】中科高層現身稱親睹剪鋼筋:數量絕對唔止十幾支

民主黨議員涂謹申會上則狠批陳帆,直斥:「你睇報紙先知(港鐵工程問題),咁搵你做局長做乜嘢啊?」,又批評「你(陳帆)玩㩒(住消息)、你玩唔知、你玩睇報紙! 如果係咁,局長去下台已經唔係問題,宜家個問題係,我地政府係咪豆腐渣工程政府,畀人笑足幾廿年啊!呢個係中央領導人睇香港點樣管治的問題啊!」

建制派議員則一致反對鄭松泰動議。工聯會議員陸頌雄指,由政府成立的委員會調查比立法會調查更好,「因為立法會無可避免地政治化,立法會資源也好、工作量也好,唔係一句好努力去做就一定得」。經民聯主席、工程界議員盧偉國則指,議員「過份集中官員和管理層問責問題」,若由立法會調查「會流於政治化,令問題更複雜」。

相關新聞:【即時文摘】魔鬼在細節之中(古德明)

民建聯議員蔣麗芸會上更狠批今早到電台爆料的中科董事總理理潘焯源,指據她所知,潘是一位「政治中人」,「我只知道呢位潘先生,係經常攻擊我地建制派,甚至曾經參選我地九龍西,仲同我地民建聯大打對台,所以佢係我地支持者,定佢係邊個的支持者,我相信反對派深知肚明!」

緊接發言的經民聯議員梁美芬則與蔣「打對台」,指自己非常尊重敢於爆料的人士,「呢啲人士我相信佢並唔係根據佢嘅咩政治背景,而係真係憂慮公眾安全,同可能自已亦牽涉到民事或者刑事責任」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載