蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年05月21日
馬上成為壹會員

六七暴徒炸死小童燒死傳媒人 前DJ斥嫻姐:為國家殺人就同情?

最後更新: 0521 22:54 / 建立時間 (HKT): 0521 17:58

【新增影片】
1967年策動周街放炸彈的左派暴動、釀成51死802傷的工聯會,其榮譽會長陳婉嫻稱,當年那些工運「前輩」為貧苦大眾利益才出手,強調與前年的旺角騷亂者不同,批評這些年輕人「搞出人命」,針對自己國家,沒「包容」餘地。民主黨立法會議員林卓廷認為,旺角騷亂波及的範圍及死傷人數,遠遠比不上67暴動,指兩者本質完全不同,「67年係周街放真假嘅炸彈,炸死過無辜嘅小朋友,亦都係將商台林彬監生燒死,所以我同意嫻姐所講,兩者係唔可以比較。當年左派發起嘅暴動,嗰種凶殘同暴力程度,係遠超旺角嘅暴動。」

相關新聞:嫻姐教你暴動原則 愛國係咪殺人都得?

林卓廷又指,67暴動是一個有組織、有龐大網絡,以及背後有很多資源支持的運動,更曾考慮由內地運送槍枝來港,「67暴動係比旺角暴動嚴重好多,個遺害大好多」,他認為由工聯會陳婉嫻發表相關暴動評論很有諷刺意味,「原因係工聯會到今日,都未就67年暴動,去向香港人、同當年咁多死難者道歉,有成員仲喺度為67年暴動塗脂抹粉,我覺得係歷史嘅一大諷刺」。

曾擔任電台主持的人民力量立法會議員陳志全,亦指對陳婉嫻的言論感憤怒,「尤其出於一個工聯會嘅人把口,更加令人憤怒,大家都知67年暴動,其中一個始作俑者係工聯會,呢個先係別有心人士去製造社會混亂」,認為67暴動比旺角暴動更值得香港人譴責,造成的人命及財物傷害更大,「但佢(陳婉嫻)今日竟然調返轉嚟講」。

相關新聞:【6.11判刑】為梁天琦求情 大狀直言自己一代貪圖逸樂令民主倒退

陳志全反問按陳的言論,「係咪為國家、為民族,就殺人都可以同情?」指旺角騷亂很多參與者已付出法律代價,但他相信很多香港巿民會體諒,指梁天琦在旺角事件發生後,在立法會補選仍然獲得數萬名選民投票支持,批評陳婉嫻將67暴動與旺角事件相比是想混淆視聽,「佢(陳)係抽水變咗抽火水,反而令更多巿民對於當年67暴動更反感」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載