› 選擇地區
三藩市
紐約
洛杉磯
其他美國地區
香港 台灣 北美
 
2018年05月21日

【網民hot talk】西鐵阿伯大支嘢!疑用$2乘車優惠搬樹無人阻

最後更新: 0521 22:44 / 建立時間 (HKT): 0521 00:00

今年3月,一名乘搭港鐵港島綫時攜帶大提琴、正申請「攜帶較大型樂器許可證」的女學生,因其琴盒其中一邊尺寸超出規定,又未能出示許可證,結果在車廂被職員截停,帶到客務中心檢查,激起逾千網民「畀嬲」,質疑港鐵「大細超」,「專恰」樂手,卻放生攜帶大量貨物入閘的水貨客。網傳一名阿伯前日(19日)疑公然挑戰港鐵行李尺寸規定,攜帶近3米高的長形植物,成功進入西鐵車廂,網民笑言「如果佢係學生哥,就唔比入」。

由前日在網上流傳的照片可見,阿伯攜帶的大型植物,即使直立擺放,上方的樹葉已頂住車頂,並向四周拐彎,相信長近3米。有目擊阿伯成功進入車廂的網民指,「南昌已經見到佢喺車上,坐到入屯門」。有網民留言嘲諷「廢老」只須花2元(長者乘車優惠),便可付運大樹,「$2一個人加一件大貨,全世界冇車費咁平!就算搭GOGOVAN拆網都唔夠入,要call噸車先夠載!」

港鐵回覆查詢時指,不清楚有關相片來源及其拍攝時間,但翻查資料後,稱前日西鐵綫沿途各站並無相關紀錄,亦未有收到乘客反映此事,又指港鐵是繁忙的鐵路系統,每日接載逾550萬人次的乘客,若職員目睹這些情況,定必適切跟進,致力為乘客提供舒適和安全的乘車環境。港鐵亦呼籲乘客應為己為人,保持車廂通道暢通,若乘客發現有人阻礙通道或滋擾他人,可即時通知車站職員跟進。

記者 李鈺廷

網民點睇

Hiu Cheng Chow:阿伯其實係小精靈大師,棵嘢係阿羅拉形態嘅「椰樹獸」。

Jlee Lee:阿伯心諗,究竟發生咩樹啊?明明入閘,仲係樹苗,一陣就長咁高。

Ken Liu:香港只有兩類人可在公共交通上橫行無阻,廢老同蝗。

Tsz Man Kwong:學生孭住提琴就唔畀上車,鐵路公司好X嘢。

HO Tai Man:廢老2蚊(長者乘車優惠)就可以幫人運棵樹。

Ah Lam:$2一個人加一件大貨,全世界冇車費咁平!就算搭GOGOVAN拆網都唔夠入,要call噸車先夠載!

Mantos Cheng:隊到上面條高壓電纜,直接投胎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載