【新增短片】
一名患有急性橫貫性脊髓炎的16歲少女，去年11月在聯合醫院接受俗稱「洗血」的血漿清洗治療時，院方疑接連出錯，先將導管刺穿動脈，繼而誤判為靜脈出血，令病人轉院後才被發現右腦中風，少女至今仍半身癱瘓，無法說話和進食。聯合醫院承認醫生講述洗血風險時，未有提及中風風險，但強調不涉人為疏忽。家屬則指難以接受醫院解釋，又斥院方從未親自向家屬道歉。
病人胞兄陳先生反駁聯合醫院解釋，認為事故關鍵並非事前未有提及中風風險，「而係主診醫生插錯動脈之後，其他部門接連診斷出錯，但去到今日，院方覺得呢係出錯唔係佢哋責任，因為呢個邏輯我哋唔明白」。他批評，院方只是從結果出發，聲稱即使未有即時發現問題，仍不能扭轉中風結果，質疑「係咪真係冇嘢可以做到呢？」他又指，院方從未親自向家屬道歉，「佢哋今日向公眾咁樣講，但對我哋而言，係冇同我哋道過歉」。
他指出，主診醫生為妹妹洗血前，並無解釋在頸或大腿置入導管的風險有何分別，「好似自己做咗決定（在頸置入導管），先通知我哋」，亦無提及洗血有中風風險，僅稱其他併發症風險低，不然「至少會有多一重考慮，比起其他風險，中風影響係大好多」。但他指醫生當時只是多次強調手術風險低，形容為「你行出街都會畀車撞啦，畀我哋感覺係醫生好想、好建議我哋做」。
他續指，聯合醫院一直未能發現導管刺穿妹妹的動脈，直至妹妹轉至伊利沙伯醫院，對方很快便能診斷出來，當伊院告訴聯院「睇多次」後，聯院又謂「睇得到」，令他很疑惑聯院是否因誤判妹妹病況而耽誤治療。
他又表示，當妹妹自麻醉藥過後5小時有「眼歪」，似乎是中風先兆，惟當時聯院護士並無詢問醫生，便輕率回答他們，聲稱病人「眼歪」只是受麻醉藥影響。由於整段對話並無紀錄，「護士冇同醫生講，亦都冇寫落報告」，故調查專家亦無法評論，事主哥哥質疑護士做法有問題。
事主母親指，雖然女兒正接受物理治療，但仍半身癱瘓，需長期臥床，其小腿已萎縮，其中一隻手仍未有反應；聲帶未能發力，只能「做口形」溝通，亦未能吞嚥進食。她談及女兒病況時，多次咽哽落淚，直言難以接受，「我到而家都接受唔到，原先脊髓炎已經好返曬，但（手術）之後就搞到傷殘同咁多後遺症」，並引述醫生指，女兒完全康復機會不大。
她坦言「成家人都好心酸、好心痛、好辛苦」，擔心女兒永久喪失自理能力，「佢而家先得16歲，人生好漫長，自立唔到都唔知點算」。幸好女兒目前「係清醒、幾精神嘅」，在醫護人員鼓勵下「有返啲意志力」。
協助家屬的立法會議員涂謹申亦批評院方對醫療事故定義狹窄，「係咪個病人好彩大命，就可以容許個醫生成日都睇錯嘢嘅」，不同意醫管局把事件定性為併發症。他指，聯合醫院現仍未與家屬商討賠償方案，在雙方還未就責任問題得出結論前，他引述家屬要求，希望能長期聘請護理員照顧女兒起居，「主要係幫輕下媽咪，分擔下壓力」，費用由醫管局承擔。
《蘋果》沙士15周年系列網站，正式登場：
https://hk.feature.appledaily.com/sars15
