蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月23日

【八方相當年】法律之花吳思諾 似劉心悠蔡思貝定馮盈盈?

13,654
建立時間 (HKT): 0423 06:00

狙擊梁振英UGL案嘅「天下為公」眾籌成績超預期,令唔少人認識發起人之一嘅民主黨之花吳思諾(Senia)。唔少人都知道,Senia係已故立法局議員吳明欽嘅千金,而佢爹哋嘅戰友、Senia好尊重嘅Uncle民主黨何俊仁,曾經喺佢初中中史科肥佬時開解佢,話佢知讀歷史嘅意義,在於以史為鑑,唔好重轁覆轍。

被視為民主黨明日之星嘅Senia,今年29歲,中小學都讀傳統名校聖保祿學校,自細英文成績特別叻,會考、高考英文科都係A,中學參加英文辯論比賽,佢話多得媽媽自細帶佢去圖書館同書店睇英文書,「最初都係睇啲小朋友小說,我睇有套書叫做 "Baby-Sitters Club"。」

英文好加上中學開始做義工、幫手賣吓獎券、替長者清潔家居,久而久之令自己想將來工作時同樣能幫到唔同嘅人,故以港大法律系為首志願。佢話自己鍾意挑戰性大、自由度高嘅工作,所以揀咗做大律師呢條路。

3歲時爸爸因血癌病逝,Senia對爹哋印象未必好深刻,但同爹哋戰友、何俊仁則保持密切聯繫。佢話細個每年父親嘅死忌,會同民主黨班Uncle一齊拜爸爸,之後同佢哋飲茶食飯,記得初中時中史科肥佬唔開心,食飯時好懊惱咁問仁哥,點解要讀中史?何俊仁同佢講,讀歷史就係令後人警惕前人嘅錯誤,唔好再犯,Senia之後中史科無再肥佬咯,但最終高中都係揀咗理科。

會考同高考都有唔錯嘅成績,上到大學,Senia笑言掛著玩,結果「燃燒GPA」,最後要急起直追。佢話最初入喺港大讀Law,覺得好辛苦,「辛苦到唔想做律師」,反而更享受大學暑假時去柬埔寨農村做義工。大學期間曾經喺一個模擬法庭比賽勇奪最佳辯論員,最後仲去埋英國LSE讀法律碩士,學成回港。

唔少人都讚Senia係美人胚子,有人話過佢似劉心悠、蔡思貝同馮盈盈,大家睇完Senia嘅舊相,有冇同感?而佢已經名花有主結咗婚。至於生育與否?佢話一切隨緣。


《蘋果》沙士15周年系列網站,正式登場:
https://hk.feature.appledaily.com/sars15/

 爸爸吳明欽(右)手抱住嘅Senia,當年1歲大。 爸爸吳明欽(右)手抱住嘅Senia,當年1歲大。 92年新年,Senia(右一)同家人開心過年。父親吳明欽為第二排黑衣者。 92年新年,Senia(右一)同家人開心過年。父親吳明欽為第二排黑衣者。
吳思諾同哥哥童年時好精靈。 吳思諾同哥哥童年時好精靈。 吳思諾(右)喺聖保祿學校讀書時一頭曲髮,同學在黑板上寫上「Happy Birthday Senia」,為她慶祝生日。(受訪者提供圖片) 吳思諾(右)喺聖保祿學校讀書時一頭曲髮,同學在黑板上寫上「Happy Birthday Senia」,為她慶祝生日。(受訪者提供圖片) 喺聖保祿學校讀書時,吳思諾一臉清純。(受訪者提供圖片) 喺聖保祿學校讀書時,吳思諾一臉清純。(受訪者提供圖片)
吳思諾中學時加入紅十字會做義工。(受訪者提供圖片) 吳思諾中學時加入紅十字會做義工。(受訪者提供圖片) 中學時,吳思諾已經參加校內嘅英文辯論比賽。(受訪者提供圖片) 中學時,吳思諾已經參加校內嘅英文辯論比賽。(受訪者提供圖片) 2007年,讀緊中七嘅吳思諾(穿紫色外套者)到南非,與來自不同國家嘅年輕人體驗野外生活。(受訪者提供圖片) 2007年,讀緊中七嘅吳思諾(穿紫色外套者)到南非,與來自不同國家嘅年輕人體驗野外生活。(受訪者提供圖片)
大學暑假期間,吳思諾曾到柬埔寨農村義教小朋友。(受訪者提供圖片) 大學暑假期間,吳思諾曾到柬埔寨農村義教小朋友。(受訪者提供圖片) 喺大學期間,吳思諾(右)參加過一個有關基本法的模擬法庭比賽,並獲頒最佳辯論員,由退休法官陳兆愷(左)頒獎。(受訪者提供圖片) 喺大學期間,吳思諾(右)參加過一個有關基本法的模擬法庭比賽,並獲頒最佳辯論員,由退休法官陳兆愷(左)頒獎。(受訪者提供圖片) 喺大學期間,吳思諾(右)參加過一個有關基本法的模擬法庭比賽,整隊勝出,由終院非常任法官包致金向他們頒獎。(受訪者提供圖片) 喺大學期間,吳思諾(右)參加過一個有關基本法的模擬法庭比賽,整隊勝出,由終院非常任法官包致金向他們頒獎。(受訪者提供圖片)
讀大學時,吳思諾(左二)到其他中學分享到柬埔寨做義工嘅經歷。(受訪者提供圖片) 讀大學時,吳思諾(左二)到其他中學分享到柬埔寨做義工嘅經歷。(受訪者提供圖片) 2011年喺港大法律系畢業嘅吳思諾,穿起畢業袍返回中學班房門前留倩影。(受訪者提供圖片) 2011年喺港大法律系畢業嘅吳思諾,穿起畢業袍返回中學班房門前留倩影。(受訪者提供圖片) 英文了得的吳思諾,高考英文科奪A,助她考入港大法律系。(受訪者提供圖片) 英文了得的吳思諾,高考英文科奪A,助她考入港大法律系。(受訪者提供圖片)
港大畢業後,吳思諾(右二)到英國倫敦政治經濟學院讀法律碩士,左一為法政匯思召集人吳宗鑾,他們當時正參與該校的年度晚宴。(受訪者提供圖片) 港大畢業後,吳思諾(右二)到英國倫敦政治經濟學院讀法律碩士,左一為法政匯思召集人吳宗鑾,他們當時正參與該校的年度晚宴。(受訪者提供圖片) 吳思諾老公係大律師譚俊傑。 吳思諾老公係大律師譚俊傑。
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載