蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月17日

【網民hot talk】「新移民二代」疑屈青年非禮 遭正義叔鬧爆敗走

528,217
最後更新: 0417 12:58 / 建立時間 (HKT): 0417 00:01

非禮乃刑事罪,最高刑罰是監禁10年,惟近日一名46歲巴士男乘客因不忿坐在前排的20歲青年「怒睥」其女兒,與對方口角時,涉虛稱對方非禮其妻,幸好青年獲其他乘客仗義執言,才避過被屈。大批網民獲悉此事後,均聲討該對夫妻,有人甚至起底「踢爆」男方是「新移民二代」,其妻是「湖北人」,形容二人「平日最愛人前出風頭,神憎鬼厭」。

網民Kwong Wai前晚(15日)在facebook群組「巴打絲打 Facebook Club」發帖,指該對夫婦的女兒「用物件敲打前面張櫈,發出噪音,坐前面嘅一名青年望佢哋個女一眼,兩公婆就鬧該位青年凶佢個女,個老公之後撩坐前面嘅青年打交,及聲稱報警」。

網民續指,該名青年想下車之際,躁夫竟「用腳伸前,攔住唔畀個青年落車」,還老屈「個青年非禮佢老婆」,再次揚言要報警,幸好當時有位正義阿叔目擊事發經過,「睇唔過眼條仆街老公屈人」,挺身指摘躁夫,為青年抱不平:「X你老母!屈X人,我真係睇你都唔X順眼呀屈X人,你嘈就嘈啦!屈X人話非禮你老婆!你真係離X晒譜」。躁夫見勢色不對,想立即下車逃走,青年則叫車長勿開車門並報警。

後來警方到場,網民指躁夫一度改稱青年「想」非禮其妻子,最終青年幸未被帶返警署。網民概嘆,若今次沒有阿叔出來作證,該兩夫婦則可能成功欺壓和老屈該青年非禮。

不過被聲討的「新移民二代」,其友人代他向《蘋果》伸冤,稱他當時已喝停女兒,叫她不應再踢青年的座椅,但對方「係咁鬧」,明言「再踢就打佢」。之後他跟青年「嘈咗幾句」,但青年「好似發咗癲咁,喊打喊殺,好似想打佢老婆」,故他為保護妻女,才警告青年「你夠膽掂我老婆,就告你非禮」,認為阿叔和大眾都誤解其意思。

警方回覆《蘋果》查詢時指,事發於上周六(14日)下午5時54分,一輛由尖東麼地道開往馬鞍山耀安邨的81C線九巴,駛至富安巴士站時,車上46歲黃姓男子的小孩,踢到坐在前方、20歲曾姓男子的椅背,雙方繼而嘈交並報警,警方到場了解,雙方最終自行離開,案件列為糾紛。

九巴則指,該輛巴士因有乘客糾紛,要報警處理,故駛至富安巴士站後,停駛約20多分鐘,其後繼續行車。九巴補充指,公司有指引協助前線員工,處理突發事件,但呼籲乘客互諒互讓,以免影響其他乘客。

記者 李鈺廷


網民點睇


KinWah Yip:帶住個囡出街,搞咁多嘢做咩丫?贏輸都好,嚇親自己個囡有乜為?

Maggie Mak:垃圾父母,教壞個女呀。

Hung Tat Ho:人X有樣睇,唔識教就唔好生,害人害物。

Yky Fish:屈人都搵個好啲嘅藉口啊?你估個個好似你(躁夫)咁低要求咩?最憎而家啲家長,成日用仔女做藉口,周街搵人發洩!

Tsz Man Kwong:正義阿叔好波。


《蘋果》沙士15周年系列網站,正式登場:
https://hk.feature.appledaily.com/sars15

蘋果日報fb,每日分享精選新聞及網絡新鮮事。
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2018 AD Internet Limited. All rights reserved. 版權所有 不得轉載