蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月02日
馬上成為壹會員

【批鬥戴耀廷】戴教授自認係隻雞?聞到23條加辣會嚟!

最後更新: 0402 19:00 / 建立時間 (HKT): 0402 10:34

【新增動新聞】
港大法律系副教授戴耀廷上月赴台出席論壇時提出若將來反共成功,香港可以考慮獨立建國,遭港澳辦、中聯辦、政府及建制團體等連日炮轟。戴今出席電台節目時表示,毋需為有關言論道歉。

相關新聞:【批鬥戴耀廷】人民日報續發功 梁美芬跟隊形斥誤導港獨是選項

他指,今次針對他的行動是政權想產生效蟬效應,殺雞儆猴,繼而要孤立他,「我依家好感覺到,我成為咗一隻雞,就係殺雞儆猴嗰隻雞,你哋就可能成為嗰隻猴,因為會殺馬騮,你哋仲夠夠膽講嗰啲嘢呢?大家睇到嗰隻雞受到咩對待啦,你仲夠膽做咩…當所有人都唔想做嗰隻畀人劏嘅馬騮時,咪唔好黐住戴耀廷囉,當被問到『你係咪支持戴耀廷言論』,你就要識得講嘢,尤其是你想參選,否則會被DQ。」

他又指,自己一句說話被抽空,然後遭打成支持港獨,故要了解他整個意思,應該看畢他說話的前文後理,呼籲社會大眾應思考今次針對他的行動的背後目的。被問到會否就言論道歉,戴耀廷表明沒有需要為此道歉,又指不會因此而要修飾言論,只是擔心日後主辦單位會否再邀請他出席。他認為,現時針對他的行動,真是文革式批鬥,「又要我道歉,使唔使我遊街吖?又要大學辭退我,跟著言論、學術仲有咩自由?跟著就要求所有人同我割蓆,問人支持唔支持戴耀廷言論,你一答得唔啱,就DQ你。就係要利用我嚟殺雞儆猴。」他指如果有人因為今次事件與他割蓆,不會感到難過。」

相關新聞:【批鬥戴耀廷】被親共媒體跟蹤 戴重申反專制:無政權是不倒

他笑言反而要「多謝特區政府、親共政黨、親共媒體同埋港澳辦、中聯辦」,因為他們把他以往在大學「象牙塔」中的想法,帶出到社會,「透過佢哋嘅政治運動,成為可以進一步討論嘅議題,可能因而有更多人討論我嘅意見,呢個係達到我嘅目標。你話我要道歉,不如我講多謝。」

有建制派要求港大解僱他,但他明言按現時大學的規則,校方短期內難以做到,但由於他已有佔中的官司在身,11月開審,屆時若被判有罪或要坐監,大學便會向他啟動紀律聆訊程序:「佢哋想港大辭退我,有咩理據呢?就係希望大學唔可以討論涉及港獨或任何形式嘅討論,呢個就係我作為『雞』嘅作用。」

他認為,即使自己的言論觸碰到中央的紅線,如果他沒有違反香港法律,他沒有需要憂慮,「如果佢定咗條紅線而我唔需要講嘢嘅話,但佢條紅線唔係法律規定,紅線係佢鐘意幾時劃就幾時劃,咁香港人嘅言論自由喺邊度?」

對於有親共傳媒稱他的言論已觸犯煽動罪,他之後出席遊行時表示,佔中時已有類似講法出現,但指按普通法理解,有關罪行一定要涉及暴力,「咁我見唔到我有任何暴力的原素」,又指按2003年被擱置的23條立法內容,他亦未有干犯煽動罪,「我見唔到我有任何法律係違反咗」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載