蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年02月24日

九巴狀元車長斥罷駛司機發死人財 網民嘲自製公關災難

424,482
最後更新: 0224 22:05 / 建立時間 (HKT): 0224 20:12

【新增短片】
大埔公路的嚴重九巴車禍,再次掀起社會關注車長工時長的問題。一批月薪車長不滿「被代表」接收資方提出的改善薪酬架構方案,決定晚上8時發動工業行動抗議。惟有9A狀元車長之稱、現為九巴董事總經理辦公室行政助理梁領彥(Gary),下午在個人facebook帳戶發帖,不點名批評罷駛司機「發死人財」太過份。不少網民不齒梁領彥為高層護航,轟梁是走狗、「屁股決定腦袋,9A也是不過如此」,自製公關災難。

相關新聞:抽罷駛車長後腿!工聯會屬會拒參與今晚工業行動

梁領彥facebook帖文及回應

呢句我Gary Leung講嘅:你對住個鏡頭,想發死人財,係咪太過份?你想加人工無可厚非,關單意外咩事呢?加咗人工,意外就唔會發生?

今日車長底薪包8個鐘頭工作(連埋食飯、休息),有好小部份嘅duty就係8個鐘咁長,個個都當係豬頭骨,無人要架。點解?根本大部份車長都有energy做9至10個鐘嘅工作。OT個名唔好聽,但其實係呢個行業嘅nature。無論如何,都同嗰單意外無關。嗰個車長,又唔疲勞,關咩事丫?人血饅頭呀阿姐

相關新聞:【車長罷駛】九巴內部通告︰違反工作指引 必作嚴厲紀律處分

點樣無加過(薪)?呢間公司大部份車長都係返約10個鐘,你去站頭問下,你想佢哋返短d嘅duty,佢都唔制。咁嗰兩個鐘OT,hourly pay明明就係多咗,同埋而家畀人投訴都唔會扣獎金,咁點樣唔係多咗?

(方案)唔係最佳,因為根本唔係加薪,同埋加薪永遠都無最佳。要講加薪,明明每年加一次,咪慢慢傾囉。同工唔同酬係問題,可以傾,我針對佢連起單意外同薪酬問題。

網民點睇

Ray Wong:佢係九巴襄理,立場同前線車長會大不同,企喺管理層那邊。屁股決定腦袋,9A也是不過如此。

Chi Man NG:咁係咪唔X使加?你個X街出幾錢糧呀?着卡佬衫落到站頭,就同卡佬扮熟收風;唔係卡佬衫,即刻喺度扮大袋。

Kit Chow:得萬5蚊月薪揸咁大架車,冇嘢呀?你自己就9A,可以為興趣去揸巴士,而家自己上咗位啦,就話下面乜乜乜,你係唔X係人黎架,X你。

Cedric Yung:既然冇關係,點解要優化?係唔係公司帶頭發死人財?

施民偉:今次不是車長想發死人財,而是借機把問題擺上枱面。

Alex Tou:你好有potential做management!

Cow Ma:#永遠企工人對面。

Hoi Tung Chan:加咗人工嘅話,流失率低咗,返工嘅人多咗,脫班機會少咗,唔洗趕頭趕命返去,發生意外機會低咗,仲無關係?

Ngai Michael:高分低能咪呢種人囉,明知自己咁嘅身分仲要講呢啲嘢,自製公關災難。

Sunny So:點解會有兼職?因為月薪人工長期偏低車長流率高;車長包括日及月薪要靠加班,先有較多收入,導致長期疲累;發死人財都講得出,可見此人涼薄⋯⋯

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載