› 選擇地區
三藩市
紐約
洛杉磯
其他美國地區
香港 台灣 北美
 
2018年02月15日

【迎新歲】深水埗墟市旺場 得意「狗仔饅頭」應節

建立時間 (HKT): 0215 21:16

今明兩晚農曆新年熟食墟市重臨深水埗,繼去年新春首度官民合作舉辦熟食墟後,今年首次批准可明火煮食,當中2檔可將食材由生煮熟,分別販賣蠔餅及章魚小丸子。主辦團體估計,截至晚上7時,約有3,000人到場。

相關新聞:【迎新歲】歲晚辦年貨 去邊度買慳得多?

墟市於晚上6時開始,6時半已人頭湧湧,部分攤檔出現人龍,生意甚好,2小時內已有4檔售罄所有食物。其中賣煎牛脷及醉雞卷的齊生指,未有預料生意如此好,「原本預2日都買唔晒嘅食物,冇諗過2個鐘內賣晒, 超出預期」。他指明早要盡快預備所有食材,「政府有規定唔可以現場由生煮熟,只能夠整定翻熱,準備得唔多」。他又指只有2檔可由生煮熟,未夠完善,「小販已經存在已久,點解你要設咁多規矩阻撓。」

有檔主以人手搓製相當可愛的「狗仔饅頭」應節,慶賀狗年。王太表示因子女揀飲揀食,為了吸引他們吃早餐,開始研究製作樣子可愛的食物,「我整咗唔同公仔嘅饅頭出嚟,結果我個仔一見到大受歡迎,一食就食咗6個,我個女一食就食咗2個。」她笑指賣公仔饅頭,「希望大家都一樣食得開心。」王太又指,為了令孩子吃得健康,沒有任何添加劑或人造色素,大多以風乾蔬菜磨成粉加入麵粉,造成不同形狀及顏色的饅頭,「如果唔係蔬菜,例如啡色嘅狗仔係用朱古力粉,黑色嘅鼻係竹炭粉。」王太雖然上年曾到熟食墟市擺檔,但屬首次在農曆新年墟市擺檔,「冇經驗㗎,賺得幾多就幾多,今次只預備咗200至300個狗仔饅頭,買完就冇」。

相關新聞:【團年飯】李嘉誠斬料都食佢 潮州老店400掛爐鵝應市

本身有地舖的全哥擺檔賣蠔餅,「上年都擺過4至5次熟食墟市,但係今次第一次可以由生變熟煮食,當然方便啲亦都衛生啲。」他指以前一直做小販,習慣街頭擺檔,自從政府禁止小販擺檔後才開地舖,但即使有地鋪後仍想重返小販擺檔的生活,「習慣咗就想要呢種生活,街頭擺檔開心啲。」他期望2日可賺約7,000元。

深水埗墟市不只深水埗街坊申請做檔主, 遠至天水圍亦有街坊來到今次墟市擺檔,5人合辦麻辣燙熟食檔,預備了25款食物。天水圍街坊游小姐指,「因為天水圍唔可以咁樣擺檔,所以我哋嚟到深水埗擺檔,希望將來天水圍都可以畀我哋咁樣賺返啲錢。」「海底撈」雖然去年年尾進軍香港,但每人埋單也要200元左右,一班天水圍街坊希望製作「街坊海底撈」,人人有得食之餘,街坊又可一嚐擺檔滋味。

墟市主辦團體共有4個,關綜聯組織幹事李大成指,今次是至今共7次的熟食墟市中,最多攤檔及官方多個部門最合作的一次。至於消失了3年的「桂林夜市」,今年亦不例外,桂林街及福華街一帶有逾20名警員在不同角落駐守,另有約7名食環署職員駐守,及4架警車及食環署車停泊,路邊欄桿亦掛滿多塊「請勿光顧無牌小販」橫額。

【深水埗農曆新年熟食墟市】
地點:深水埗通州街269號,通州街臨時街市第四及第五座中間空地
日期:2月15日及16日(年三十及年初一)
時間:晚上6時到12時
熟食攤檔:38檔

【迎新歲】歲晚辦年貨 去邊度買慳得多? 【團年飯】李嘉誠斬料都食佢 潮州老店400掛爐鵝應市 【迎新歲】瑪麗義工團溫暖牌狗仔冷帽 贈新春狗年B 【迎狗年】新春旺旺!送你汪星人揮春 年頭旺到年尾! 【大廚燜豬肉】想金蠔唔嚡要撕走樣嘢 南乳入味靠一個動作 【回鄉過節】八小時春運列車上的民工們 【花車巡遊】71歲退休警變身小丑爺爺:化妝似批盪眼嘴都化歪 【動畫】後生仔唔知年三十晚賣懶 點解要食薄罉紅雞蛋? 【玄學家教路】初一揸車行大運 向西南方行升職加薪 【動畫】邊個生肖旺自己? 搵啱生肖做麻雀腳贏開巷 【動畫】全盒糖衣陷阱 琥珀合桃肥過金莎 【15分鐘沽清】深水埗新年熟食墟市 重現手撕豬肉狗仔粥 【團年飯】豪使幾千蚊買餸 煮雞方法有好多種 【本土設計】90後設計師眾籌集資 製作西人版黃曆 【新年好去處】廣彩/繩結特色擺設 放假拍照打卡賞傳統工藝 林鄭拜年片要警犬跳「人肉火圈」 波叔表情大不同 【迎新歲】美加領事館拍賀年片 員工祝願「萬事如意 唔駛OT」 年初一勁濕暖!花車巡遊有冇影響? 【迎新歲】年宵倒數衝刺!即睇「交易現場」 黃大仙祠搶插頭炷香 「粉紅狗」夏蕙姨霸頭位成功上香! 【迎新歲】年卅晚行年宵 市民祝願:身體健康要乜有乜 拆村在即團年飯陪傷感 橫洲村民冀政府放過父母安葬地 【迎新歲】旺角小販衝出後巷 年初一轉戰砵蘭街 祝《蘋果》讀者蘋安大吉 狗年碩果纍纍 【迎新歲】深水埗明火墟市今開爐 單親媽賣熟食:賺番滿足感
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載