› 選擇地區
三藩市
紐約
洛杉磯
其他美國地區
香港 台灣 北美
 
2018年02月15日

【迎新歲】深水埗明火墟市今開爐 單親媽賣熟食:賺番滿足感

阿欣和女兒為墟市「拍住上」,小檔有花生糯米糍、泰式酸辣炒魷魚等。(彭志行攝)(蘋果日報)
建立時間 (HKT): 0215 00:01

明日是戊戌年大年初一,應節熟食墟市率先在今日開爐,由官民合作的深水埗墟市,一連兩日在通州街舉行。品嚐特色美食之餘,食客也可感受到來自基層小販自力更生的精神活力。

相關新聞:【迎新歲】歲晚辦年貨 去邊度買慳得多?

去年在深水埗首辦「官民合作式」的熟食墟市大受好評,主辦機構於今明兩日,在通州街臨時街市旁空地再度舉辦。主辦機構「關注綜援低收入聯盟」組織幹事范沛縈指,今年墟市檔攤共有38檔,並且是首次獲准明火煮食的農曆新年墟市。

在墟市擺檔的小販以基層為主,單親媽媽阿欣帶着5歲的女兒琬心,幾日來與女兒一起預備食材,連去人頭湧湧的墟市擺檔都要帶着女兒,「冇辦法,因為要湊住佢,但我想賺番冇咗實現自己夢想嘅滿足感,同因為湊女冇法出去工作,掙番少少錢幫補生活」。

相關新聞:【團年飯】李嘉誠斬料都食佢 潮州老店400掛爐鵝應市

阿欣自琬心出世數個月後便要獨自照顧女兒,生活不易。但熟食墟市卻令喜愛煮食的阿欣尋回失去已久的生活,不一定為賺錢,更多的只為了快樂。

阿欣與女兒以前住劏房,輾轉間知道可以到墟市擺檔,自去年夏天,由準備食材、煮食,到擺檔,兩母女都一起「拍住上」。阿欣準備食材時,活潑開朗的琬心蹦蹦跳周圍跑,有時撒嬌,有時幫手,「初頭覺得係搞搞震,但其實係開心,因為佢有滿足感,佢會覺得幫到我,我又覺得佢只係想幫輕下媽媽,因為知道媽媽辛苦」。

琬心亦說,每次與媽媽一起準備墟市都令她很快樂,「想幫手,一時時搗亂檔,幫佢手,佢做完就可以同我玩」。

阿欣的小檔有蒜頭炒雞翼尖、花生糯米糍、泰式酸辣炒魷魚鬚等,「每次熟食墟市,我都特登揀佢(女兒)食唔到嘅食物嚟擺檔,唔係嘅話,佢會未擺檔已經偷食咗一半」。

今年墟市檔攤有5位檔主為年輕人,90後社工陳婉穎(Ape)夥拍另外兩名女生「趁墟」賣芋圓糖水。她透露,成本花了約2,000元,目標每晚賣出200碗糖水,「都冇諗過賺定蝕㗎,咪當去少次旅行,賺個經驗囉」。

Ape以「吃貨」自居,喜歡在大街小巷尋找美食,過去經常逛墟市、地攤和手作市集等小型市場,認為自家製文化具獨特性,街坊亦可互相交流,「細個時比較多啲小販檔,好鍾意食懷舊小食,炭燒雞蛋仔、牛雜,都係我嘅童年回憶,好過淨係得啲集團式經營鋪頭」。她又指香港租金貴,「要創業做餐飲係好困難」,希望透過墟市平台小試牛刀,一嘗做小生意滋味。

記者 梁佩珊、梁銘恩

深水埗墟市詳情

開放時間︰農曆年卅晚至年初一(2月15日及16日)
墟市地點:通州街269號臨時街市4號和5號旁空地
時間:晚上6時至12時

部份食品價錢:
章魚小丸子$25/份
蠔餅 $30/份
芋圓 $30/碗
串燒 $15/串

資料來源:主辦機構

【迎新歲】歲晚辦年貨 去邊度買慳得多? 【團年飯】李嘉誠斬料都食佢 潮州老店400掛爐鵝應市 【迎新歲】瑪麗義工團溫暖牌狗仔冷帽 贈新春狗年B 【迎狗年】新春旺旺!送你汪星人揮春 年頭旺到年尾! 【大廚燜豬肉】想金蠔唔嚡要撕走樣嘢 南乳入味靠一個動作 【回鄉過節】八小時春運列車上的民工們 【花車巡遊】71歲退休警變身小丑爺爺:化妝似批盪眼嘴都化歪 【動畫】後生仔唔知年三十晚賣懶 點解要食薄罉紅雞蛋? 【玄學家教路】初一揸車行大運 向西南方行升職加薪 【動畫】邊個生肖旺自己? 搵啱生肖做麻雀腳贏開巷 【動畫】全盒糖衣陷阱 琥珀合桃肥過金莎 【15分鐘沽清】深水埗新年熟食墟市 重現手撕豬肉狗仔粥 【團年飯】豪使幾千蚊買餸 煮雞方法有好多種 【本土設計】90後設計師眾籌集資 製作西人版黃曆 【新年好去處】廣彩/繩結特色擺設 放假拍照打卡賞傳統工藝 林鄭拜年片要警犬跳「人肉火圈」 波叔表情大不同 【迎新歲】美加領事館拍賀年片 員工祝願「萬事如意 唔駛OT」 年初一勁濕暖!花車巡遊有冇影響? 【迎新歲】年宵倒數衝刺!即睇「交易現場」 黃大仙祠搶插頭炷香 「粉紅狗」夏蕙姨霸頭位成功上香! 【迎新歲】年卅晚行年宵 市民祝願:身體健康要乜有乜 【迎新歲】深水埗墟市旺場 得意「狗仔饅頭」應節 拆村在即團年飯陪傷感 橫洲村民冀政府放過父母安葬地 【迎新歲】旺角小販衝出後巷 年初一轉戰砵蘭街 祝《蘋果》讀者蘋安大吉 狗年碩果纍纍
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載