蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月23日
馬上成為壹會員

【蘋果踢爆】會議錄音證泳總包庇泳會牟利

最後更新: 0123 15:39 / 建立時間 (HKT): 0123 00:30

泳總屬會獲准以平價租用公眾泳池線道,又獲馬會指定為習泳學券計劃的合作夥伴,全因按規定其運作須屬非牟利。不過,《蘋果》取得一段泳總與屬會開會的錄音,主持會議的泳總義務助理秘書楊錦達多次以「做生意」、「賺錢」形容屬會的泳班及馬會計劃。有立法會議員認為顯示泳總對情況一直知情;泳總未有正面回應楊的言論。

相關新聞:【蘋果踢爆】政府懶理 泳會照用私人公司收學費

泳總在去年3月邀請旗下屬會的負責人出席馬會習泳計劃第2期的簡介會,簡介會由計劃委員會主席、泳總義務助理秘書楊錦達主持,主要檢討第1期計劃的運作,同場出席的泳總高層包括委員趙展雄及吳旭光,二人均是海天的董事。

楊錦達在會上提醒屬會,只有已經確認租到泳線的時段,才可上載有關泳班資料,「我哋一陣間商量吓點樣解決呢個困難,等你哋又做到生意,我哋又唔使收咁多投訴」。楊又指今次可透過馬會計劃「培養到你哋做生意呢,行到一條正軌啲嘅路」,「有一個模式行順咗之後呢,我諗對你哋都有幫助嘅」。

相關新聞:【蘋果踢爆】兩大泳會平租公眾池開賺錢班 康文署每年少收千二萬

及後楊講到有家長在未正式接受報名前就致電屬會留位,他就稱「佢哋一早就打電話搵你哋喇,你哋有生意就梗會接啦」,又指「我唔係教你點樣做生意,總言之我嘅意思係,你唔好令到個家長產生誤會」;種種講法都顯示總會知悉並同意泳會以牟利方式營運。

總結時,楊又提醒泳會勿互相投訴,「唔好狗咬狗骨,如果你投訴我、我投訴你呢,即係逼我揸正嚟做嘅啫」,又稱如果他「揸正嚟做」絕非好事,「所有隱藏咗嗰啲嘢就掘哂出嚟,到時可能整體都受損害」,但就無解釋何謂「隱藏咗嗰啲嘢」。在同年另一次簡介會,楊更表明「我同馬會講,我係義工嚟咋,我無錢賺㗎,你哋就有錢賺。」

立法會議員林卓廷認為錄音反映屬會牟利對泳總而言已是公開的真實,「佢哋自己都多次講係生意,如果佢同執法機構講咁嘅說話呢,其實已經係招認自己唔係非牟利團體」,他促當局盡快徹查事件。

泳總回覆時只重申計劃宗旨,未有回應楊錦達在會上的言論。馬會亦未有正面回應泳會涉將收入存入私人公司問題,只稱一直有與泳總保持溝通,並已跟進確保撥款只供非牟利泳會作推行計劃用途;至於計劃會否延續,馬會就指將於先導計劃完結後再作檢討。

記者 林偉聰


【蘋果踢爆】
若你有涉及公眾利益、權貴濫權等資料,請以WhatsApp、Line、Telegram或電郵方式聯絡《蘋果》調查組,我們有專人處理及跟進,內容絕對保密。
WhatsApp/ Line/ Telegram:6829 6520
電郵: investigation@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載