蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月25日

【八方相當年】張秀賢係「巴膠」 背哂全港巴士路線

15,607
最後更新: 1225 16:35 / 建立時間 (HKT): 1225 00:19

今年23歲嘅前中大學生會會長張秀賢(Tommy),原來細個時已經係「巴膠」,最開心係考試高分,獲家人送玩具巴士做禮物。年紀細細的張秀賢,原來仲有一個「特異功能」,就係可以背哂全香港嘅巴士路線,只要大家向佢講出巴士編號,佢就能講出巴士路線起點同終點,八方親身考過佢,發覺佢真係講得出。

自細喺屯門安定邨長大嘅張秀賢,小學時就讀順德聯誼總會胡少渠紀念小學,中學就讀順德聯誼總會梁銶琚中學,張秀賢自細已有音樂天份,小學喺家人鼓勵下學小提琴,中學更入埋中樂團,連二胡都識拉,笑指自己最叻係唱歌唔會走音,所以台上帶唱《今天我》都難佢唔到。

曾加入過學民思潮及中大學生會,致力為學生爭取權益嘅張秀賢,原來早喺中學時代已就校政問題發聲,試過就飯堂膳食問題同校內加裝閉路電視等議題,同校長理論,難怪唔少老師當年已話佢適合「搞政治、選議員」。張秀賢由中一開始,更遇到佢嘅政治啟蒙老師,就係現時新東民主派初選對手范國威黨友、新民主同盟成員譚凱邦!

張秀賢話,譚凱邦由中一教到佢中六,除咗教佢科學同生物,亦令佢認識咩叫政治,投身反屏風樓、反高鐵等社會運動,08年佢都為過喺立法會九龍西選區出戰嘅譚凱邦助選拉票。現時雖然同當年師傅嘅黨友范國威,喺民主派初選爭逐新東補選出線權,但大家仍然有傾有講,無損感情。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載