蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月20日

【李八方online】謝偉俊批醫生「刮龍」蔡堅話咁大件事要講證據

7,946
蔡堅醫生話,任期到明年年中後,唔再選醫學會會長喇。
建立時間 (HKT): 1220 00:03

出名火爆嘅蔡堅醫生做咗香港醫學會會長八年,佢今晚同傳媒聚會時就話,因為胃出咗問題,要做手術,所以任期到明年年中後不再選會長,講笑話唔再霸住個位,俾小鮮肉上場咁話,佢又話以後唔會再咁高調,講少啲嘢喎。

相關新聞:【李八方online】元秋「有口難言」 提起「龍蝦」 即刻諗起邊個?

不過轉頭佢又話有啲嘢不吐不快,話有議員喺《城市論壇》話醫生「刮龍」,但醫生守則講明收費不能過高或過多,形容係嚴重指控,如果話成個業界,包括話埋孫中山,係好大件事,叫議員唔好誇大。

呢幾年醫生界最大議題當然係醫生註冊條例修訂,堅叔話現時仍非完全合理,好似非專科醫生嘅投票權被選權無咗,形容係有遺憾,但為咗唔想再拖都接受咗歐耀佳方案,但香港法例日日改變日日新鮮,佢都擔心有日會改到大陸醫生都可以嚟,咁就大件事。

做開基層醫療嘅佢,原來應醫管局夏季流感嘅邀請,返咗去公立醫院做兼職,每個星期睇一日門診,點知俾佢見到唔少醫管局基層醫療問題,例如有病人背脊生瘡想放膿,原來唔可以即時幫病人做,病人要排小手術隊輪候六個月,佢話排到個瘡都爆咗,結果護士教路要即做就要送急症室,佢真係百思不得其解,因為咁做只會令急症室更擠迫。堅叔批評呢啲官僚機制就係令基層醫療失敗嘅原因,希望新嘅基層醫療委員會可以放啲識基層醫療嘅人入去,解決問題。

至於下屆會長,暫時得會董何仲平醫生表態想參選。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載