› 選擇地區
三藩市
紐約
洛杉磯
其他美國地區
香港 台灣 北美
 
2017年12月19日

【李八方online】楊哲安被野豬襲擊? 楊:好在隻豬無咩牙

楊哲安喺山頂揸車巡區,遇到野豬仔。(楊哲安Facebook截圖)
建立時間 (HKT): 1219 17:54

剛勝出中西區區議會補選嘅自由黨楊哲安(Jeremy)上任唔夠一個月,已經開始落區處理大小事務,Jeremy日前揸車巡區就遇到山頂常客 —— 野豬,當佢落車一探究竟時,野豬竟然愈行愈近,更加咬咗佢隻鞋一下,雖然Jeremy最後無咩損傷,但望住滿佈野豬口水嘅鞋頭都咪話唔嘔心。

相關新聞:【李八方online】方國珊眾籌部署戰新東 自稱同梁天琦有共通點....

Jeremy話山頂好多綠化地區,野豬、箭豬同蛇都係好常見,但最近有居民主動餵飼豬隻,令豬仔愈來愈唔怕人,更加翻垃圾桶。佢當日經過加列山道就發現一群野豬仔,當佢落車行近時,野豬仔竟然咬咗佢隻鞋一下,好在隻豬牙唔鋒利,佢都無咩損傷。至於隻鞋都唔打算洗,方便佢日後再親親野豬。

Jeremy話,雖然佢自己唔抗拒野豬,但都有居民會擔心影響衛生同埋有安全問題,所以佢希望居民唔好再餵食,以免愈來愈多;同時佢會要求區議會加設有蓋垃圾桶,令野豬唔可以翻垃圾食。講到區議會工作,Jeremy就話自己已經成功喺中環租用辦事處,但因為租約期只有兩年被抬價,租金都非常揦脷,但佢真係好想服務居民,即使要貼錢畀租都在所不計喎。

相關新聞:【李八方online】傳真社剩番20萬 面臨倒閉危機

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載