› 選擇地區
三藩市
紐約
洛杉磯
其他美國地區
香港 台灣 北美
 
2017年12月19日

【李八方online】方國珊眾籌部署戰新東 自稱同梁天琦有共通點....

方國珊最近發起眾籌,不諱言係為出戰新東測試水溫。
建立時間 (HKT): 1219 15:19

西貢區議員「哪吒」方國珊去年高票落敗立法會新東選舉後,講過唔會再參選,但近日有街坊就收到方國珊短訊,呼籲佢哋要「各家各總動員」,幫手做義工幫手貼海報或者掛旗幡,方國珊仲喺宣傳單張表明「不卑不亢、全力以赴、服務新界東」,令人懷疑佢係咪諗住復出,再戰新東補選?

相關新聞:【李八方online】楊哲安被野豬襲擊? 楊:好在隻豬無咩牙

八方今日問過哪吒,佢坦承正在了解巿民嘅反應同諗法,仍未決定係咪參選,但就解釋上屆話過唔再選,主要係因為自己資源短缺,相對合共有成百幾個區議員嘅民建聯同工聯會,又或者有十幾個區議員嘅新民主同盟,自己尤如「雞蛋對高牆」,所以計劃發起眾籌,試測下有無人可以喺資源上支援多啲,會睇定啲先決定係咪再選。

哪吒又話,上屆補選時同本民前發言人梁天琦係對手,見到梁天琦近日因官司退黨,佢都感觸良多,坦言自己未必同梁天琦同路,但明白佢嘅感受,就係對傳統民主派,好反感!

相關新聞:【李八方online】傳真社剩番20萬 面臨倒閉危機

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載