› 選擇地區
三藩市
紐約
洛杉磯
其他美國地區
香港 台灣 北美
 
2017年12月19日

【李八方online】傳真社剩番20萬 面臨倒閉危機

創辦傳真社嘅吳曉東指,傳真社嘅財政陷入危機,運作近兩年,如今只餘下20多萬,故要發起新一輪眾籌,若反應冷淡,傳真社將面臨倒閉危機。(朱永倫攝)(蘋果日報)
建立時間 (HKT): 1219 00:57

由公眾籌款成立,主打調查報道嘅新聞機構傳真社(FactWire)陷財政危機!創辦人吳曉東話,傳真社現只餘20幾萬,只能夠應付本月開支,故要發起新一輪眾籌,目標係380萬,應付未來一年開支。佢話最終若冇人捐錢,成立近兩年嘅傳真社就會到此為止,以「順應」公眾意願,但佢亦話如果真係咁,即係反映港人覺得香港社會係唔需要調查報道:「我係好唔想見到傳真社倒閉,我係一萬個唔想。」

相關新聞:【李八方online】方國珊眾籌部署戰新東 自稱同梁天琦有共通點....

吳曉東話一般新聞機構冇晒資金,可向投資者伸手,但傳真社百分百由香港市民成立,「所以現時唯一可以求救嘅就係向香港社會」。今次眾籌方法係無論市民捐多少,都能成為傳真社一年嘅訂戶,以降低捐款嘅門檻,想捐款嘅朋友今日可以留意傳真社嘅Facebook專頁。

傳真社最初成立時,諗住喺建立公信力後,由訂閱嘅傳媒付費,以支付傳真社營運,但吳曉東話傳媒機構向佢反映,如果真係要付費,要有一定供稿數量,但傳真社運作21個月以來,共發出56個調查報道,雖則平均每個月都有近三個調查報道出街,但稿量未能迎合要求,所以傳真社嘅媒體訂閱都係未有收入。

相關新聞:【李八方online】楊哲安被野豬襲擊? 楊:好在隻豬無咩牙

吳曉東強調佢喺傳真社並無支薪,亦都唔係傳真社僱員,平時無過問傳真社嘅編採工作,而由成立至今籌得嘅781萬元、來自5,700人次嘅捐款,全數都係用嚟支付該公司嘅調查記者嘅薪金同營運開支,佢係無錢落袋。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載