› 選擇地區
三藩市
紐約
洛杉磯
其他美國地區
香港 台灣 北美
 
2017年12月11日

【fb=大台?】付費推po不似預期 「暗黑twins」寧用IG吸觀眾

最後更新: 1211 12:58 / 建立時間 (HKT): 1211 00:01

社交平台Facebook十年前在港開始流行,亦是港人現時主要使用的社交平台。有90後網絡組合認為,Facebook仍是眾社交平台之中影響力最大,「Facebook嘅傳播性最廣、最快,係得Facebook先做到」,但隨Facebook愈來愈多限制和廣告氾濫,認為Facebook旗下的Instagram(IG)是未來新趨勢。

相關新聞:【fb霸權】電視台廣告生意回升 財仔成大客

網絡組合「暗黑Twins」易欣和陳樂兒表示,相比其他社交平台,如Twitter、IG、Snapchat等,「Facebook嘅傳播率最廣、最快,係得佢先做到」。對於Facebook早前進行試驗計劃,若沒付費的廣告專頁帖文不會顯示在用戶的個人動態消息,易欣認為,無疑是阻礙她們接觸更多觀眾,又提到曾試過付款「推帖」,結果不是預計,「3、40蚊,但係啲印度人、中東、西班牙人like,呢啲完全唔係我要吸納嘅人」。

陳樂兒則認為,現時Facebook愈來愈多廣告,「好似美容公司啲激光療程,多咗好多呢啲suggest post,搞到你可能碌兩碌,第三個就係呢啲廣告,其實都會幾反感」,又指Facebook已經失去本身意義,「本身係畀朋友互相share下status(狀態),依家反而少左朋友嘅post、相,都畀廣告淹沒咗」。

相關新聞:【fb霸權】KOL泛濫 廣告人力數三宗罪

面對「Like」字行頭的年代,易欣表明「暗黑Twins」是以IG為主,「因為IG相對較國際化,IG攞Like攞好多,啲人係攞5位數,Facebook比較少出現」;又指「其實我哋呢代係用多IG,IG都做到Facebook效果,好似(建立)個人形象」。陳樂兒補充,「IG(好處)係你會有一群觀眾睇,至少唔洗付費去push」。她們均認為,IG是未來新趨勢,「IG介面好方便,都係一張相加啲字,加啲hashtag(主題標籤)就post得」。

記者 張文鈴

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載