› 選擇地區
三藩市
紐約
洛杉磯
其他美國地區
香港 台灣 北美
 
2017年11月23日

數碼乞兒攻港好先進 掃描過數玩到咁盡

最後更新: 1123 15:36 / 建立時間 (HKT): 1123 00:05

【新增動新聞】
內地電子貨幣發展迅速,不少人生活都依賴「支付寶」等電子付款系統,甚至連科大經濟系榮休教授雷鼎鳴日前都稱其友人在內地「叫雞都可以拎部手機出嚟照」,讚揚內地將QR Code(二維碼)運用得純熟迅速。但內地電子貨幣的使用方式遠遠不止於此,近日網上瘋傳一名內地男子來港行乞,都不忘在「陳情書」上留下QR Code,呼籲港人「掃描」捐款。

facebook專頁「生於亂世」周二上載一張內地男子在本港街頭行乞的相片,相中的中年男子半跪在地上行乞,一名年約10歲的男孩則坐在旁邊的行李篋上,身邊有一個疑似尿袋。該男子在路上鋪出一張標語,圖文並茂聲稱來自河南,兩子一女各自患上腎積水、甲狀腺功能亢進症等長期病患,但家中一貧如洗,老婆亦拋夫棄子。他聲稱醫生告知兒子恐怕活不過16歲,急需籌款為兒子治病。該面橫額不單印有照片、身份證明,還留有兩個內地手提電話號碼和一個QR Code,上方印有「好心捐助請掃描」的字樣,方便路人「掃描即過數」。

面對「數碼乞兒」攻港,不少港人為之側目,有網民留言稱在另一個內地乞丐「搵食熱點」黃大仙龍翔道亦發現「數碼乞兒」蹤影,有人諷刺稱「呢啲咪叫專業囉!唔通仲要攞啲散銀去銀行咩!」但對於事主聲稱的「遭遇」就明顯未能引起港人同情,有人直指「幫佢唔到,我只有八達通」,更有人取笑「香港太落後,只有八達通,你哋都係返大陸搵食啦!」

有網民就關注乞丐提供的QR Code或會有保安漏同,隨時會連結上釣魚網站或黑客程式,令付款人的電子付款帳戶有機會被入侵,自招損失。有人就提醒在本港行乞屬違法行為,無論是給現金或支付寶都不應該,「直接同佢講:你還有黨呀!」

【網民咁講】
Albert Lau:呢啲咪叫專業囉!唔通仲要攞啲散銀去銀行咩!
Avery Leung:我哋香港咁落後,邊會用支付寶呢啲高檔嘢。
Wing Lung Tam:可能佢係幫支付寶嚟香港做推廣嘅...
Gus Lee :可唔可以儲里數?
蔡曦瑤:使唔使提埋佢,香港同中國支付寶唔通㗎?
Chee How Billy Wong:97前香港街頭行乞都乞得冇咁猖狂,一回歸就衰晒。
Ken Ken:到時2018年九龍一地兩檢,仲多呢啲人。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載