蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年10月23日

【八方相當年】劉華政助黎穎瑜 做過女版鄭子誠?

6,675
建立時間 (HKT): 1023 06:30

今屆娥班子,有幾位政治助理留任,其中黎穎瑜(Jade)就由勞福局調至民政局做劉江華政助。現時為官嘅阿Jade,自細興趣多籮籮,記者DJ都做過,大學一年班就喺商台開咪,凌晨時份播音樂,曾以女版鄭子誠身份,陪伴一眾夜歸人。

相關新聞:【李八方online】加拿大商會有誠意 獲娥特獻出第一次

「我由細到大都鍾意試新嘢,朗誦節、音樂節、演講同話劇,全部都參加,表演慾都幾強㗎!」現年40歲嘅阿Jade廣州出世,5歲來港,自言細個讀書都係臨急抱佛腳,幾乎以課外活動為主導,「百足咁多爪,我好鍾意八卦!」

於何文田華英中學讀到中四時,爸爸認真告誡要讀書,自己亦開始諗將來前途,的起心肝認真讀,結果會考有佳績,英文攞埋A,仲成功申請獎學金轉讀香港李寶椿聯合世界書院,其後中大社會科學學士畢業,仲要一級榮譽畢業。

相關新聞:【李八方online】推動人權有貢獻 陳方安生獲美國頒獎  

學歷好唔代表死讀書,學揚琴又鍾意聽歌嘅佢,大學一年級因緣際會喺商業二台兼職做DJ,逢一至五凌晨1點開咪打碟播歌,但晚晚夜歸朝早返學無精神,做咗半年就功成身退。身為英文辯論隊嘅佢喺做記者嘅家姐介紹下,喺適逢97回歸年嘅Year 1暑假,加入英國ITN電台做記者,試過飛埋去上海採訪,攞到難得經驗。

佢大學畢業後仲獲頒羅德獎學金到牛津大學修讀社會學碩士,返港後先後喺理大同香港大學專業進修學院教書,其後曾到智經研究中心同齊心基金會任職。講起喺牛津嘅收穫,除咗亮麗履歷,當然係搵到另一半,來自新加坡嘅老公係牛津嘅學長,拍咗一年拖就要Long D,翌年趁暑假飛去新加坡註冊結婚兼行禮,當年佢25歲,笑稱:「有朋友都問我仲乜要趕住?」。老公喺佢畢業後亦搵咗份喺香港嘅工,兩人育有6歲大囝囝,2013年加入勞福局做政助,老公亦都好支持。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載