› 選擇地區
三藩市
紐約
洛杉磯
其他美國地區
香港 台灣 北美
 
2017年10月06日

喺主流學校永遠係異類 擲物狂:X-Men學校改變我

最後更新: 1006 17:25 / 建立時間 (HKT): 1006 07:00

惹事生非、高空擲物,甚至出入警署,曾經是群育學校畢業生麥子朗的寫照。當時他只得小學1年級,已經因成績及行為不理想被學校鎖定為「問題兒童」,無人理解到原來孩子面對家暴威脅,身心均處於崩潰邊緣。今日男孩長大成人,回憶當日只是想以反叛行為來求救:「我做呢啲野係好想你留意我,好想你睇到我。」幸好,有人及時聽到他的呼聲,他在小學4年級轉讀屬於群育學校的東灣莫羅瑞華學校,3年寄宿生活中遇上同伴和良師,每次想起仍覺自豪:「我地群育學校嘅小朋友,比起出面嘅小朋友可能更加精彩。」

相關新聞:6歲遭父虐打變問題兒童 單親媽媽感激學校代身教

記者:陳麗賢
攝影:陳海威、周志堅、朱家駿
剪接:魏利民

家暴傷害 擲物發洩
從子朗幼稚園開始,爸爸經常酗酒鬧事,並對母子拳打腳踢,小朋友礙於未懂表達情緒,惟有在學校鬧事。父母在子朗K3時選擇離婚,可惜爸爸取得撫養權,由子朗小一開始一起生活。子朗憶述爸爸當日視自己如「眼中釘」,將自己放在簡陋的貨倉改裝屋「自生自滅」,每日只得一個飯盒:「嗰時每朝起身都喊得好犀利。」子朗因被爸爸虐打而身心受損,繼而採用激進行動發洩:「我喪掟嘢落街囉,即係電芯、獎牌、洗衣機蓋啊。」他回想當日的劣行,無非渴望得到大人關心,可以有人拯救自己:「你地啲人所有焦點都放晒係我度,只不過你係鬧我之嘛。」」

相關新聞:遭學生無視 掟書傷額頭 新手老師不甘心放棄曳學生

入讀群育 改變一生
「我爸爸臨走前,發脾氣飲醉酒,踢嗰張麻雀檯,撞到我膀胱嘅位置,令我去廁所嘅時候突然之間流好多血,我知道我一定要走喇。」10年前子朗因為被爸爸嚴重傷害,決定離家出走並報警求助。之後社署安排子朗到位於石壁的東灣莫羅瑞華寄宿學校讀4年級,附近環山面海,最近建築物是石壁監獄,難怪令他十分不安:「入到去大嶼山,竟然係一個好似山區荒地咁樣,點解好似監獄咁。」 原來學校專收有情緒問題的非主流學生,子朗不但要重新學習紀律,更要和一班新同學共處。

我們都是異能人
「有啲同學就會可能用眼神去打量你。」子朗認識有特殊學習需要的同學,發現大家只是表達方式不同,只要花心思了解,也能結為好友:「到我慢慢認識,其實佢地全部都係好funny,同正常人真係冇分別㗎。」一班小朋友在充滿大自然氣息的東灣校園齊齊踢足球做運動,漸漸打開心窗。同學們的故事,竟然讓子朗反思自己的不幸,其實沒有與別不同:「就好似X Men 咁樣,你有異能呢,正常社會會覺得你係怪物。但你去到一間咁嘅X Men學校,大家都有異能嘅時候 ,大家就係正常嘅人嚟。」和一班「異類」同學共處,子朗不但第一次找到同伴,更慢慢學會同理心,不經不覺對自己的不幸也釋懷。

變成主角 尋獲自信
子朗一直渴望得到關注,終於在學校願望成真:「逢係miss諗到表演,就一定會諗起我。」老師給孩子機會表現自己,令他們建立自信。加上學校鼓勵多元活動,例如田徑、划艇等,發掘了子朗的運動潛能:「係呢啲慢慢令到我自信心一步一步咁樣番嚟。」子朗更在戲劇課程找到終生興趣,令他今天成為一名演員。他相信這個不一樣的童年,令他人生經驗更豐富:「我直情係自豪啊,話畀人聽我喺呢度住過,我係有咁嘅過去。過去搵自己嘅路係比較辛苦,正正因為咁樣締造咗我同大家一個可以show到自己嘅地方,我唔會比你遜色。」

見證兒子由問題兒童變成一位演藝新力軍,到底子朗媽媽在12年前經歷了甚麼,令她沒有和兒子一起生活?請留意下集動新聞。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載