› 選擇地區
三藩市
紐約
洛杉磯
其他美國地區
香港 台灣 北美
 
2017年09月21日

【圍堵校委會】改革無成效抗爭成本更大 悲觀但對港大未死心

《學苑》前副總編輯陳雅明亦有參與圍堵校委會;當日站於李國章身旁的他直言未有聽到馮敬恩向李大叫「隊冧佢」、「唔好畀佢走」,稱李大話連篇。 何柏佳攝(蘋果日報)
建立時間 (HKT): 0921 16:30

經過學生罷課、圍堵,港大最終未有採納廢除特首任校監必然制等獨立專家小組建議;《學苑》前副總編輯陳雅明坦言失望,學生行動最終無功而還,抗爭者甚至需負刑責。他更趨悲觀,但對港大尚未「死心」,因學生仍抱抗爭意識,「長遠嚟睇,終歸係有希望」。

陳雅明批評校方後來成立的工作小組架空獨立專家小組建議,「本來預期成效都有啲,但估唔到最尾面對更強硬打壓,去到兩年之後,係完全無進步」。他親歷圍堵事件後,對實際改革更感渺茫,不會奢望校委會、特首自願放下權力。

提到未來抗爭路向,陳雅明以港大喻香港,抗爭方向需由「行動」轉為「鼓動」,「要諗點令市民團結起來」,「令港人嘅抗爭意識持續」。他指現時抗爭成本日增,「意識到(圍堵事件後)抗爭成本大咗,尤其係做激進行動時,喺呢個政治氣氛下,罪名會被無限放大,(當權者)會用啲好高嘅懲處手法處理、判刑都比以前高」。因此抗爭者現今需要的不再是「一時三刻的爆發力」,而是「長遠抗爭」,「只要保存咗一種改革同爭取院校自主既意識,其實長遠來睇,終歸係有希望」。

《學苑》在傘運後因港獨專題被時任特首梁振英點名批評。作為當時的副總編輯,陳雅明也寫過有關香港建軍的文章,被視為港獨倡議者,「其實當時寫香港獨立文章,係源於一種探究意識,因為當時幾乎係無人講呢一回事,咁無人講,我哋就寫來想引起討論,當係討論前途嘅一種可能性」。陳續指,政府近月更加嚴厲打壓、譴責,連標語也禁止張貼,是因傘運後政治氣氛改變,「中央對香港嘅政策改變,特別係要箝制院校自主,呢一樣野,先至係成件事嘅重要因素」,促年青人繼續爭取「抗爭範圍」,守護大學自主。

相關新聞:【圍堵校委會】案件今判刑 馮敬恩打上校呔抵庭:感謝家人

記者 葉偉東

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載