› 選擇地區
三藩市
紐約
洛杉磯
其他美國地區
香港 台灣 北美
 
2017年09月17日

【澳門選戰】天鴿風災引爆民怨 議員反應左右立會選情

建立時間 (HKT): 0917 17:51

澳門寰宇天下、海明居一帶是受天鴿影響的重災區,王小姐指自己住海明居,風災時單位有浸水,至今仍未維修好,她指風災亦有影響其投票意向,「希望投到個好既議員」,她指原本打算投另一人,過去2屆都有投他,但風災時認為他做得不夠好,故改投另一陣營人士,「佢都有出來,去災區幫下市民手」,故投票予他,她坦言不想投大熱候選人,「投個真係為澳門市民做野既人」,希望他可為市民做多點。

相關新聞:【澳門選戰】疑大巴載投票 網民質疑蛇齋餅粽:為少少錢害子孫

另一附近居民洪小姐指自己單位幸好未有受風災太大影響,故風災無影響其投票意向,主要看候選人政績,是否有為市民服務,和其政治立場,傾向投民主派,雖然民主派屬少數,但希望他們可以市民利益為前提。

另一海明居單位住戶張小姐指,附近單位均有爆玻璃,事件有影響其投票意向,包括部分候選人的言論,「咁多破壞之後,都希望有候選人出嚟幫我地發聲,指政府配套不足之類。」她坦言自己原來打算更改投票意向,「有猶豫過要唔要投其他人」,但最終未有改變,主要投較敢言的候選人。

相關新聞:【澳門選戰】逼國籍寫「中國香港」 拒至少13記者入境

她又指,自己第二次投票,而過去民怨較多,故感覺身邊愈來愈多人首次出來投票,她估計主要因近年社會怨氣增加,而風災可能是一個導火線。

筷子基一帶同樣受天鴿風災嚴重摧殘,筷子基快達樓停車場出現水浸,更發現一具屍體,記者今日巡視該停車場,發現停車場內大量報銷車輪原封不動,電單車平躺在地上,車身鋪滿泥漿,

家住筷子基的銀行職員黃小姐今次是第二屆投票,風災後「今次風災令到習慣係屋企,本身冇做嘢嘅人,好似我媽咪咁,會想出返嚟投下票,為澳門出返份力。」黃小姐指希望議員能為澳門發聲,以及改善房屋及交通政策,「住屋同埋交通方面都可以改善下。」

公務員何先生指樂意見到今屆投票率高,「想澳門有改變,唔好話再係好似以前咁樣,好多人都對政治不聞不問,或者造就咗某啲團體一直霸住議會好多年。」筷子基屬風災重災區,何先生指風災或多或少令更多選民投票,「好多年長嘅都想為下一代著想,唔好再好似歷屆咁,想有個改變。何先生希望新一屆議會多為民生著想,「唔好淨係每年派錢,淨係一啲單次性嘅措施,要長期為啲後生嘅諗下。」

首投族許小姐:「希望自己揀嘅候選人可以多啲關心民生,多啲聆聽澳門市民嘅需求。」她指希望政府能改善排洪設施,避免再出現水浸情況。

賀伯伯坐電動輪椅到票站投票,他指希望議員能改善長者福利,何伯伯指風災期間斷水斷電兩日,「真係好慘,周圍水浸,好似海洋咁,又冇lift落返嚟。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載