› 選擇地區
三藩市
紐約
洛杉磯
其他美國地區
香港 台灣 北美
 
2017年09月17日

【澳門選戰】店東斥風災初期官員冇影:要新人、反對聲音入局

最後更新: 0917 20:24 / 建立時間 (HKT): 0917 14:25

【新增影片】
今日為澳門立法會選舉投票日,記者重臨風災重災區十月初五街,不時聽到市民或店舖老闆討論「天鴿」帶來的影響,小食店老闆高先生表示,一定會投票,強調風災後頭兩日一個官員都未曾出現過,「乜都係我哋自己搞,嗰啲問責官員一個都冇出現過」,「一定好嬲,本身個個已經好徬徨、好慘」。

相關新聞:【澳門選戰】疑大巴載投票 網民質疑蛇齋餅粽:為少少錢害子孫

高先生指今屆一定會投票,「表達下自己(不滿),對政府嗰啲懶散,同唔關心市民」。高先生希望自己揀的候選人能真正為澳門服務,「希望能夠市民有訴求時,盡心盡力去幫,就係咁簡單」。

開生果店的梁先生則指風災當日水深兩米高,損失慘重,今日一大早便投票表達意願,因風災對市民帶來很大影響,認為風災揭示澳門立法會需要新人入局,「澳門乜嘢都用錢」。梁先生指自己心儀民主派,「我都希望投畀新人,如果成日都係呢批人,咁冇乜必要投」。梁先生認為澳門人政治冷感,想將反對聲音帶入議會,「講議員、講政績,希望佢真係為民請命咪去投囉,澳門人係比較政治冷感,公民意識比較淡薄,投票意願低啲」。

相關新聞:【澳門選戰】逼國籍寫「中國香港」 拒至少13記者入境

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載