› 選擇地區
三藩市
紐約
洛杉磯
其他美國地區
香港 台灣 北美
 
2017年09月03日

【聲援良心犯】賣樓守候義無反顧 相距36年的忘年之戀

最後更新: 0903 16:13 / 建立時間 (HKT): 0903 07:30

與太太相距36年,曾幾何時,一個是大學教員,一個是學生,中大退休講師郭永昌,與周豁然的婚姻,註定惹來異樣目光。65歲的郭sir不諱言,在外人眼中,這是一段「爺孫戀」, 甚至認為是「老牛吃嫩草」,但這個教了30年大學的廿四孝丈夫, 愛得義無反顧。年輕妻子一句討厭「地產霸權」, 他賣走了馬鞍山的三房單位,齊齊搬進古洞簡陋鐵皮屋同住;反新界東北發展訴訟糾纏逾3年,他總風雨不改陪伴左右,不離不棄。

相關新聞:【聲援良心犯】豁然判前陳述:不感後悔 坦然承擔

郭永昌退休前是中大講師,教體育必修科。「佢覺得染頭髮唔好,唔畀我染,唔係個樣應該會後生少少」。他苦笑。非常愛情,萌牙自2010年。「嗰時佢入咗中大無耐,新亞圖書館夜晚十點關門,我同佢總最後一刻先走」。月光下坐校巴下山,當時的豁然,還未剃大光頭,是個剛考進大學、流了一頭長髮的甜姐兒。

「你叫豁然?你有個妹妹?係咪叫開朗?」連日為愛妻奔走,一面疲態的郭sir,說起往事,臉上泛起微笑。提起剛看過的好書,總興奮得手舞足蹈,豁然的朋友,總形容她是安靜的聆聽者,但在郭永昌心中,這個小女孩,卻人如其名,豁達又開朗。「佢不時返內地貧窮村校,我有揸車,就幫佢運送啲物資」。年齡相距大截,離婚近20年的郭永昌,直言其時並無想過發展忘年戀。「只係覺得呢個女仔好特別,成日去國內嘅農村生活,唔怕污糟,好捱得。」

相關新聞:【聲援良心犯】加國華裔議員讚港青勇氣可嘉 憂港政局發展

作為「長輩」,他出錢出力幫忙,年齡的鴻溝不易衝破,只是愛情來了,還是擋不住。「嗰時我住馬鞍山,好近烏溪沙,有次一齊散步,俾隻流浪狗又吠又追,佢天生同狗有緣,沒一陣,隻狗竟然反轉肚任佢摸,佢話隻狗好瘦,不如去我度煮啲嘢過嚟餵」。這批流浪狗,就成了他的月老。「佢就係咁,喺街度見到流浪狗,幾污糟都會攬到實,完全唔介意,呢樣嘢我就做唔到」。

豁然成立了「古洞(非人類)動物互助社」,為流浪貓狗尋找過渡居所。「豁然唔喺度,唯有我照顧住佢哋先。仲有出面由豁然開闢嘅嗰塊田,希望有朋友可以嚟幫手打理」。郭永昌說會盡最大努力 ,守護愛妻珍視的這片土地。「如果行為良好,扣減埋假期,5月4 日可以出番嚟,就當係一種歷練」。接手全力打理,他還不忘苦中作樂:「其實屋企都有個狗狗監獄,不過用嚟隔離病狗。」

記者 呂麗嬋

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載