蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月29日

【李八方online】外國大隻佬紋身示愛?劉慧卿霸氣回應五個字

98,481
最後更新: 0829 20:31 / 建立時間 (HKT): 0829 16:24

【新增影片】
有網民喺網上LIHKG討論區上載一段2013年外國「Swoldier Nation」健身短片( http://bit.ly/1uKxUtG ),片中大隻男展示身上紋身時,驚見「劉慧卿」三個中文繁體字,短片迅即瘋傳,唔少網民議論紛紛,好奇呢個莫非係卿姐嘅「秘密情人」?定係佢「勾結外國勢力」嘅有力證據?八方今日打畀卿姐,未開口提問佢已知道「大隻佬」紋身事件,透露今朝約11時,突然不停收到新聞界、朋友、年輕人傳來嘅大隻佬紋身照,一貫霸氣回應:「老實講,我哋呢啲,乜都見過啦,哈哈哈....」,所以收到時嘅反應係「定過抬炸彈」。

卿姐笑言,今次應該係首次有人將佢嘅中文名紋喺身,「我知嘅係第一次,哈哈,即係好奇,我自己都未紋落去,我都唔知佢點解(會)?」佢話知道網上有文章分析,話該大隻佬因為有女友叫「EMILY」,有人就建議紋「劉慧卿」中文字,卿姐坦言唔識分析真假,「因為都無人搵到嗰個人(大隻佬)」,「我無緊要,咪喺度笑吓囉」。

咁大隻佬係咪佢男朋友、以及係咪勾結外國勢力,佢當然笑住一一否認,個人仲估計紋身所指嘅「劉慧卿」真有其人,係有另一同佢中文名字相同嘅劉慧卿,「即係佢真係識得有個劉慧卿,但就唔係我,你哋個個就表錯情,所以你哋快啲去搵一搵佢啦!」若然搵到片中大隻佬,卿姐話唔介意同對方合照:「我諗佢都嚇死」,「最好搵埋佢(大隻佬)指嗰個劉慧卿出嚟,因為劉慧卿都有好多個」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載