蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月28日

【澳門直擊】點解垃圾扔極都有?居民勁讚解放軍 鬧政府不力

62,643
最後更新: 0828 15:16 / 建立時間 (HKT): 0828 13:18

【新增動新聞】一周內兩個颱風襲澳門,駐澳解放軍在今日撤退返回軍營,但在舊城區街道仍堆積大量垃圾未清,有清潔承辦商派垃圾車清理垃圾。在河邊新區居住的葉先生讚揚解放軍早日清走大量垃圾,「嗰日佢哋唔嚟嘅,可能成個禮拜都唔會返屋企」。但這兩日又有街坊不停將新垃圾放出街,「政府一定要出啲力囉,冇呢啲都要每日去清(垃圾),有嘅係咪更加要清得多啲、勤啲」。有女街坊批評政府辦事不力,今日才派垃圾車清理垃圾,「都係要靠自己架,政府邊有出過嚟啫?第一、二、三日呢度好多垃圾,冇人嚟清架。」

相關新聞:【澳門直擊】解放軍救完災返回駐地 政府肉麻讚:軍民魚水情

解放軍今日返回軍營後,市面有澳門治安警察局警員身穿白T恤四處巡視,並協助將街邊大件垃圾搬至垃圾桶。有警員指在工作結束後出動,加班清理垃圾,「冇話邊條街,有就要做」。他指解放軍處理主要街道,餘下不太嚴重的會跟進處理。

市面大致回復正常,有工人仍忙於鋸樹和維修電線桿。有巴士站被強風吹倒,未有運作,很多餐廳仍然休業,遊客常去的船屋葡國餐廳貼出通告,指受颱風天鴿影響,餐廳水浸,目前暫停營業。媽祖廟則如常開放,但遊客數量大減,不過有日本旅遊團繼續到訪。

相關新聞:【澳門風災】老餅家水浸停產月餅 老闆:政府唔肯起堤壩

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載