蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月27日
馬上成為壹會員

【澳門直擊】最心痛鄰舖兄妹浸死 藥店東主︰40年來政府懶理

最後更新: 0827 23:36 / 建立時間 (HKT): 0827 19:28

【新增動新聞】
一場風災,沖毀兩代心血。77歲陳德培與太太在重災區十月初五街經營家族的藥材行,40年間經歷無數颱風,每年7、8月都提心吊膽,擔心洪水湧入。陳太批評過去40年間政府都無根治排洪問題,亦無興建防水牆。今次水浸逾兩米高,貨物損失無數,但最心痛是鄰店米舖有兩人浸死,兩夫婦指,平安已經好開心,風災後考慮會提早退休。

相關新聞:【澳門直擊●採訪手記】港人冷嘲熱諷 激起澳門網民反感

陳德培與太太經歷的大全堂中藥房是澳門老字號,陳太指水浸是持續數十年老問題,每逢初一、二天文大潮,特別擔心海水倒灌,「每一年7、8月,我哋呢度訓唔著嘅,我係到40年,我每年係天台望水(浸),每年都(駛)走車。」

她記得1993年洪水水位升至胸口,但颱風「天鴿」帶來的洪水更猛烈,「今次(水位)係兩米,又唔退水。」洪水湧至時,她正努力搬走貨物,「啲嘢無論平貴,都係一件物件,都係想搬走佢,但我冇能力,搬到浮啦,我哋先放手,托賴識游兩步水,游上二樓。」結果兩夫婦和一隻貓等了又等,洪水仍未退,「上去幾個鐘,呢度都未退水,往時退水都快。」

相關新聞:【澳門直擊】員工爆銀娛只顧洗泳池懶理災情

店舖藥材大多浸壞,藥材木箱浸水後亦發漲,但她更難過是有鄰近米舖有兩人浸死,「自己都好唔安樂,所以而家就算係我哋損失,我都唔覺得係心痛,我見到人哋有傷亡真係心痛。」她批評政府一直無回應居民訴求,「(居民)不停要求,防水牆講咗好耐,一路冇落實。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載