蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月27日

【旺角騷亂】棄保赴台18歲女流亡聲明網上流傳:早已唔再信香港有法治

210,642
最後更新: 0827 18:21 / 建立時間 (HKT): 0827 11:10

【新增動新聞】
涉及去年旺角騷亂被控暴動罪的18歲少女李倩怡,原定於今年1月中進行提訊,但因缺席聆訊而遭法庭即時發出通緝令,有指李已往台灣尋求政治庇護,到6月初有報道指台灣內政部移民署表示,李在1月6日入境台灣並需依規定在30日內出境,惟當時仍未有離境紀錄,入台證已逾期4個多月。近日網上流傳一段疑似由李本人讀出的流亡聲明,承認自己在開庭前潛逃台灣,片段發佈日期由為8月22日。知名博客Edward Tang(無妄齋)亦有轉載聲明。

李的聲明提到,縱然他人可以批評她怯懦,「但其實係喺我內心,我早就已經唔再相信香港有法治」。她形容,「同臺灣嘅朋友同我講嘅一樣,『旺角大審』根本就係一場港版嘅『美麗島大審』」,又指香港人太容易令自己及外國人相信,香港即使沒有民主依舊可以有法治可能,「所以當出賣香港利益嘅港共政權,利用法治工具去進行政治審判嘅時候,我哋重以為呢個係獨立嘅司法程序」。

她首先在聲明表示「一位參與2016年年初一『魚蛋革命』被起訴嘅李倩怡,我喺審判開庭之前選擇咗流亡」。內文提到,有很多同路人嘗試將過往在街頭累積的能量轉到議會裏面延續,但最後本土派中人被選舉事務處取消參選權,不然就是當選後被政府強行褫奪議員資格,「連社會中相較溫和嘅人都陸陸續續被押入監倉」,「終於,體制內嘅選舉途徑被截斷,連法律原本所允許嘅公民示威同抗議嘅參與者,都成為咗政治犯」,令她感到心寒。

聲明續指,她早已不相信香港有法治,形容審判從檢控到起訴都是一場政治檢控,只是當時「香港無人認知到咩嘢叫政治審判」,又稱「香港而家係補緊課,補一種過去臺灣喺中國國民黨威權統治之下係點嘅一堂」。對於有媒體報道她流亡台灣一事,她稱與事實有很大落差,幫忙她的台灣朋友包括台灣獨派,但並非時代力量或台灣人權組織,「我的確有拜訪過佢哋,但佢哋祇(只)係好客氣咁打發我走」。

聲明強調要告訴香港社會,「我哋曾經驕傲咁誤以為喺香港嘅法治底下,唔可能有政治犯嘅存在」,但現時司法機關不止製造政治犯,「其實香港都已經有我呢種政治流亡者」,若沒有辦法維持中港有效區隔,隨着香港加速被中國化,無論年輕人有否選擇移民離開,「最終三十年內所謂嘅『兩制』都會蕩然無存,祇剩低中國廣東省香港市」。她認為,這一代香港青年踏入中年之際就要面臨一種「就地離散狀態」,生活於一個不再屬於香港人的香港,「與其要喺我中年嗰陣成為中國香港嘅異鄉人,咁不如我先選擇流亡,搵一個新自由嘅可能」。

聲明最後引述台灣魏德聖導演電影《賽德克.巴萊》中一句「真正嘅人可以輸掉身體,但一定要贏得靈魂」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載